బన్నీకి సోదరిగా క్రేజీ హీరోయిన్?

మెంటల్ మదిలో, చిత్రలహరి, బ్రోచేవారెవరురా సినిమాల్లో నటించి తనకంటూ ఓ ప్రత్యేకమైన గుర్తింపును తెచ్చుకుంది తమిళ బ్యూటీ నివేదా పేతురాజ్. అందం, అభినయం, తో పాటు టాలెంట్ కూడా ఉండడంతో ఈ అమ్మడికి టాలీవుడ్ నుండి మంచి ఆఫర్లే దక్కుతున్నాయి. ప్రస్తుతం రెండు మూడు సినిమాలతో బిజీగా ఉంది ఈ భామ.

ఇదిలా ఉండగా.. జులాయి, స‌న్నాఫ్ స‌త్య‌మూర్తి చిత్రాల త‌ర్వాత బ‌న్నీ, త్రివిక్ర‌మ్ క‌లిసి సినిమా చేస్తోన్న విష‌యం తెలిసిందే. గీతా ఆర్ట్స్ & హారిక & హాసిని క్రియేష‌న్స్ సంస్థ‌లు సంయుక్తంగా ఈ సినిమాని నిర్మిస్తున్నాయి.ప్ర‌స్తుతం హైద‌రాబాద్‌లో సెకండ్ షెడ్యూల్ షూటింగ్ జ‌రుపుకుంటోంది.

అయితే ఈసినిమాలో నివేదా పేతురాజ్ ను కూడా ఒక హీరోయిన్ గా ఎంపిక చేసినట్టు వార్తలు వచ్చాయి. కానీ తాజాగా మరో ఇంట్రెస్టింగ్ వార్త ఒకటి బయటకు వచ్చింది. ఈ క్రేజీ బ్యూటీ ఈ సినిమాలో బన్నీ సరసన సోదరిగా నటిస్తున్నట్టు టాక్స్ వినిపిస్తున్నాయి. ఆ పాత్రకు నివేదానే కరెక్ట్ గా సరిపోతుందని చిత్రయూనిట్ భావిస్తుందట. అయితే చెల్లిగానా, అక్కగానా అన్న విషయం తెలియాలి. మరి దీనిపై క్లారిటీ రావాలంటే మాత్రం అధికారిక ప్రకటన వచ్చేంత వరకూ ఆగాల్సిందే.