చ‌ంద్ర‌శేఖ‌ర్ యేలేటి ద‌ర్శ‌క‌త్వంలో శ్రియ ఫీమేల్ సెంట్రిక్ మూవీ

శ్రియా శరన్… నిన్న‌టి త‌రం అగ్ర క‌థానాయిక‌. అందానికి చిరునామాగా నిలచిన ఈ టాలెంటెడ్ బ్యూటీ… పలు చిత్రాల్లో నటనకు ప్రాధాన్యమున్న పాత్రల్లో కూడా క‌నిపించి ప్రేక్షకుల మెప్పు పొందింది. కాగా, ఇప్పుడు మరోసారి నటనకు స్కోప్ ఉన్న క్యారెక్టర్‌లో దర్శనమివ్వనుంది శ్రియ‌.

ఆ వివరాల్లోకి వెళితే… సెన్సిబుల్ డైరెక్టర్ చంద్రశేఖర్ యేలేటి… యువ క‌థానాయ‌కుడు నితిన్‌తో ఓ చిత్రాన్ని రూపొందించ‌నున్న సంగ‌తి తెలిసిందే. దానితో పాటు ఓ ఫీమేల్ సెంట్రిక్ మూవీని కూడా ప్లాన్ చేస్తున్నాడు స‌ద‌రు టాలెంటెడ్ డైరెక్ట‌ర్‌. ఇందులోనే శ్రియ ప్ర‌ధాన పాత్ర‌లో నటించనుందట. అంతేకాదు, పదేళ్ళ అమ్మాయికి తల్లిగా అభినయానికి ప్రాధాన్యమున్న పాత్రలో ఈ టాలెంటెడ్ బ్యూటీ కనిపించనుందని టాక్. దర్శకుడు చెప్పిన కథకు ఇంప్రెస్ అయిన శ్రియ… వెంటనే ఈ పాత్ర చేయడానికి ఒప్పుకుందట. శ్రియ పాత్ర‌తో పాటు కూతురు పాత్ర కూడా సినిమాలో చాలా కీలకమని చెబుతున్నారు. ప్రస్తుతం ప్రీ-ప్రొడక్షన్ పనులు జరుపుకుంటున్న ఈ మూవీ త్వరలోనే పట్టాలెక్కనుంద‌ని సమాచారం. హ్యాట్రిక్ విజ‌యాల నిర్మాణ‌ సంస్థ మైత్రీ మూవీ మేకర్స్ నిర్మించ‌నున్న‌ ఈ చిత్రానికి సంబంధించి త్వరలోనే మరిన్ని వివరాలు అధికారికంగా వెల్లడి కానున్నాయి.

కాగా… గతంలో శ్రియ తల్లి పాత్రలో నటించిన ‘మనం’, ‘గోపాల గోపాల’, `దృశ్యం` (హిందీ), ‘గౌతమీ పుత్ర శాతకర్ణి’ వంటి చిత్రాలు విజయం సాధించ‌డంతో పాటు ప్రేక్షకుల మన్ననలను పొందాయి. ఈ నేపథ్యంలో మరోసారి తల్లి పాత్రలో క‌నిపించ‌నున్న‌ శ్రియకు… ఈ ఫీమేల్ సెంట్రిక్ మూవీ ఎంతవరకు కలిసొస్తుందో చూడాలి.

[subscribe]
[youtube_video videoid=OVqpFOdv9Vs]