ర‌వితేజ `వెంకీ`కి 15 ఏళ్ళు

`మాస్‌తో పెట్టుకుంటే మ‌డ‌తెడిపోద్ది`… అనే మేన‌రిజ‌మ్‌తో మాస్ మ‌హ‌రాజ్ ర‌వితేజ సంద‌డి చేసిన చిత్రం `వెంకీ`. సోలో హీరోగా ర‌వితేజ న‌టించిన తొలి చిత్ర‌మైన `నీ కోసం` ద్వారా ద‌ర్శ‌కుడిగా ప‌రిచ‌య‌మైన శ్రీ‌ను వైట్ల‌… సుదీర్ఘ విరామం త‌రువాత ర‌వితేజ‌ని డైరెక్ట్ చేసిన సినిమా ఇది. ఆద్యంతం వినోద‌భ‌రితంగా సాగిన ఈ సినిమాలో ర‌వితేజకి జోడీగా స్నేహ న‌టించగా… ఇత‌ర ముఖ్య పాత్ర‌ల్లో బ్ర‌హ్మానందం, అశుతోష్ రాణా, శ్రీ‌నివాస రెడ్డి, చిత్రం శ్రీ‌ను, ఏవీయ‌స్‌, కృష్ణ భ‌గ‌వాన్ త‌దిత‌రులు న‌టించారు. రాశి ప్ర‌త్యేక గీతంలో సంద‌డి చేసిన ఈ సినిమాకి దేవిశ్రీ ప్ర‌సాద్ అందించిన బాణీలు ప్ర‌త్యేక ఆక‌ర్ష‌ణ‌గా నిలిచాయి. ముఖ్యంగా `గోంగూర తోట‌కాడ‌`, `మాస్‌తో పెట్టుకుంటే` పాట‌లు విశేషాద‌ర‌ణ పొందాయి. సీనియ‌ర్ ప్రొడ్యూస‌ర్ అట్లూరి పూర్ణ‌చంద్ర‌రావు నిర్మించిన ఈ సినిమా 2004 మార్చి 26న విడుద‌లై బాక్సాఫీస్ వ‌ద్ద వ‌సూళ్ళ వ‌ర్షం కురిపించింది. నేటితో ఈ చిత్రం 15 వ‌సంతాలు పూర్తిచేసుకుంటోంది.