రివ్యూ : మా ఇంటి బంగారం

నటీనటులు : సమంత ,శ్రీ ముఖి , గుల్షాన్ దేవయ్య ,లక్ష్మి , గౌతమి

ఎడిటింగ్ : ధర్మేంద్ర కాకర్ల

సినిమాటోగ్రఫీ : ఓం ప్రకాష్

సంగీతం : సంతోష్ నారాయణన్

దర్శకత్వం : నందిని రెడ్డి

నిర్మాణం :ట్రలాల మూవింగ్ పిక్చర్స్

టాలీవుడ్ స్టార్ క్వీన్ సమంత ప్రధాన పాత్రలో నటించిన లేటెస్ట్ క్రేజీ యాక్షన్ ఫ్యామిలీ డ్రామా ‘మా ఇంటి బంగారం’.దాదాపు 3 ఏళ్ళ గ్యాప్ తరువాత సమంత నటించిన సినిమా కావడంతో ఈసినిమాపై మొదటి నుండి మంచి అంచనాలు వున్నాయి. అందుకు తగ్గట్లే రిలీజ్‌కు ముందే సాలిడ్ అడ్వాన్స్ బుకింగ్స్‌తో రికార్డులు సృష్టించిన ఈ చిత్రం, ఈరోజే ప్రపంచవ్యాప్తంగా గ్రాండ్‌గా విడుదలైంది.మరి ఈసినిమా ఎలా ఉందో రివ్యూలో తెలుసుకుందాం.

కథ :

ఈ సినిమా కథ అంతా ఒక మధ్యతరగతి కుటుంబం చుట్టూ తిరుగుతుంది. కొత్తగా పెళ్లై అత్తారింట్లో అడుగుపెట్టిన ఒక పద్ధతైన, అమాయకపు కోడలిగా సమంత కనిపిస్తుంది. వంటగది పనులు, పూజలు, తోడికోడలితో వచ్చే చిన్నపాటి మనస్పర్థలతో ఆమె జీవితం చాలా సాధారణంగా సాగిపోతుంటుంది. అయితే, ఊహించని విధంగా ఆ కోడలి వెనుక ఒక బలమైన, షాకింగ్ ఫ్లాష్‌బ్యాక్ గతం ఉంటుంది. తన అత్తారింటి కుటుంబానికి విలన్ల వల్ల ఒక పెద్ద ప్రమాదం ముంచుకొచ్చినప్పుడు.. అప్పటివరకు గరిటె పట్టిన ఆ కోడలు, తుపాకీ పట్టి శత్రువులపై ఎలా తిరగబడింది? తన గతాన్ని దాచిపెట్టి కుటుంబాన్ని ఎలా కాపాడుకుంది? అనేదే ఈ ‘మా ఇంటి బంగారం’ ముఖ్య కథాంశం.

విశ్లేషణ :

సినిమా మొదటి భాగం చాలా ఫ్రెష్‌గా, ఎంటర్‌టైనింగ్‌గా సాగిపోతుంది. మధ్యతరగతి కుటుంబ వాతావరణం, ఇంట్లో జరిగే చిన్న చిన్న సరదా సన్నివేశాలతో దర్శకురాలు కథను చాలా సున్నితమైన హాస్యంతో నడిపించారు. రాజ్ అండ్ డికె మార్క్ సబ్‌టిల్ కామెడీ టైమింగ్ ఫస్టాఫ్‌లో బాగా వర్కవుట్ అయింది. సమంత ఒక సాధారణ కోడలిగా ఇరుక్కుపోయే సీన్లు థియేటర్లలో నవ్వులు పూయిస్తాయి. కథ నార్మల్ ఫ్యామిలీ డ్రామాలా సాగుతున్న సమయంలో.. ఇంటర్వెల్ బ్యాగ్‌లో వచ్చే ఒక ఊహించని హై-వోల్టేజ్ యాక్షన్ ట్విస్ట్ మరియు సమంత మేకోవర్ సెకండాఫ్‌పై భారీ అంచనాలను పెంచేస్తుంది. ఓవరాల్ గా ఫస్ట్ హాఫ్ హిలేరియస్‌గా, చాలా గ్రిప్పింగ్‌గా ఉంటుంది.

ఫస్టాఫ్‌లో వినోదాన్ని పంచిన దర్శకురాలు, సెకండాఫ్‌ను కంప్లీట్ ఎమోషనల్ అండ్ యాక్షన్ రైడ్‌గా మార్చేశారు. హీరోయిన్ బ్యాక్‌గ్రౌండ్ రివీల్ చేసే ఫ్లాష్‌బ్యాక్ ఎపిసోడ్స్ చాలా ఇంట్రెస్టింగ్‌గా, సినిమా స్థాయిని పెంచేలా ఉన్నాయి. ముఖ్యంగా సమంత శత్రువులపై తిరగబడే ప్రతి యాక్షన్ సీక్వెన్స్ థియేటర్లలో ఈలలు వేయించేలా డిజైన్ చేశారు. క్లైమాక్స్‌లో వచ్చే స్టైలిష్ యాక్షన్ బ్లాక్స్, కుటుంబ బంధాల మధ్య వచ్చే సెంటిమెంట్ సీన్లు ప్రేక్షకులను ఎమోషనల్‌గా కనెక్ట్ చేసి సినిమాను పీక్స్‌కు తీసుకెళ్తాయి.

నటీనటుల పనితీరు:

సమంత: ఈ సినిమాలో సమంత అమాయకపు కోడలి పాత్రలో ఎంత క్యూట్‌గా ఒదిగిపోయిందో.. యాక్షన్ సీన్స్‌లో అంతగా విశ్వరూపం చూపించింది. ముఖ్యంగా బస్సు ఫైట్, టెంపుల్ ఫైట్ సీన్స్‌లో ఆమె చేసిన స్టైలిష్ స్టంట్స్ లేడీ సూపర్‌స్టార్ అనే ట్యాగ్‌కు పూర్తి న్యాయం చేశాయి. రాయలసీమ యాసలో ఆమె చెప్పిన డబ్బింగ్ సినిమాకు మెయిన్ హైలైట్.తోడికోడలిగా శ్రీముఖి తన మార్క్ కామెడీతో నవ్వించగా.. అత్తగారి పాత్రలో లక్ష్మి, గౌతమి తమ ఎమోషనల్ పర్ఫార్మెన్స్‌తో సినిమాకు బలంగా నిలిచారు. విలన్‌గా నటించిన గుల్షన్ దేవయ్య తన పవర్‌ఫుల్ యాక్టింగ్‌తో సమంతకు గట్టి పోటీ ఇచ్చారు.

సాంకేతిక వర్గం:

డైరెక్టర్ బి.వి. నందిని రెడ్డి ఫ్యామిలీ ఎమోషన్స్‌ను, యాక్షన్‌ను పర్‌ఫెక్ట్‌గా బ్యాలెన్స్ చేసి ఒక పక్కా కమర్షియల్ హిట్ చిత్రాన్ని అందించారు. రాజ్ అండ్ డికె అందించిన కథ, స్క్రీన్‌ప్లే సినిమాను నెక్స్ట్ లెవెల్‌కు తీసుకెళ్లాయి.సంతోష్ నారాయణన్ అందించిన ‘తస్సదియ్యా’ సాంగ్ విజువల్‌గా అద్భుతంగా ఉంది. ముఖ్యంగా యాక్షన్ అండ్ ఎలివేషన్ సీన్స్‌లో ఆయన ఇచ్చిన బ్యాక్‌గ్రౌండ్ స్కోర్ థియేటర్లలో పూనకాలు తెప్పించింది.విజువల్స్ చాలా కలర్‌ఫుల్‌గా, రిచ్‌గా ఉన్నాయి. ప్రతి యాక్షన్ ఫ్రేమ్ ఎంతో స్టైలిష్‌గా ఉంది. ఎడిటింగ్ కూడా చాలా షార్ప్‌గా ఉండి సినిమా ఎక్కడా బోర్ కొట్టకుండా సాగింది.నిర్మాణ విలువలు ఉన్నతంగా వున్నాయి.

ఓవరాల్ గా .. ‘మా ఇంటి బంగారం’ క్లీన్ ఫ్యామిలీ యాక్షన్ ఎంటర్‌టైనర్. హిలేరియస్ ఫస్ట్ హాఫ్, గుండెకు హత్తుకునే ఎమోషన్స్, మరియు సమంత కెరీర్ బెస్ట్ యాక్షన్ పర్ఫార్మెన్స్ సినిమాను బ్లాక్‌బస్టర్ రేంజ్‌కు తీసుకెళ్లాయి. ఈ వీకెండ్‌లో కుటుంబం అంతా కలిసి థియేటర్లలో హ్యాపీగా ఎంజాయ్ చేయదగ్గ పర్‌ఫెక్ట్ సినిమా.

ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్ద్ ఫిలిమ్స్

x