విక్టరీ వెంకటేష్, నందమూరి కళ్యాణ్ రామ్, అనిల్ రావిపూడి, సాహు గారపాటి షైన్ స్క్రీన్స్, సురేష్ ప్రొడక్షన్స్ సమర్పణ, జీ స్టూడియోస్ సహనిర్మాణం #VenkyAnil5 #NkrAR2 కు సంచలన సంగీత దర్శకుడు జి.వి. ప్రకాష్ కుమార్ మ్యూజిక్- నవ్వులు పంచిన స్పెషల్ అనౌన్స్మెంట్ వీడియో
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
విక్టరీ వెంకటేష్, నందమూరి కళ్యాణ్ రామ్, బ్లాక్బస్టర్ హిట్ మెషీన్ అనిల్ రావిపూడి భారీ ఫెస్టివల్ ఎంటర్టైనర్ #VenkyAnil5/ #NKRAR2 తో అలరించబోతున్నారు. విజయవంతమైన నిర్మాణ సంస్థ షైన్ స్క్రీన్స్ బ్యానర్పై సాహు గారపాటి ఈ చిత్రాన్ని నిర్మిస్తున్నారు. సురేష్ ప్రొడక్షన్స్, శ్రీమతి అర్చన సమర్పణలో, జీ స్టూడియోస్ సహనిర్మాణంలో తెరకెక్కుతున్న ఈ చిత్రం 2027 సంక్రాంతికి గ్రాండ్ రిలీజ్కు సిద్ధమవుతోంది. ప్రముఖ నిర్మాణ సంస్థలు కలిసి రూపొందిస్తున్న ఈ భారీ కమర్షియల్ ఎంటర్టైనర్పై ఇప్పటికే భారీ అంచనాలు నెలకొన్నాయి.
దక్షిణ భారత సినీ పరిశ్రమలో అగ్ర సంగీత దర్శకుల్లో ఒకరైన జీవీ ప్రకాష్ కుమార్ ఈ చిత్రానికి సంగీతం అందించనున్నారు. సంగీత దర్శకుడిగా, నటుడిగా బహుముఖ ప్రజ్ఞతో రాణిస్తున్న జీవీ ప్రకాష్ ప్రస్తుతం ఇండస్ట్రీలో అత్యంత బిజీ టాలెంట్స్లో ఒకరు. ఆయన ఈ ప్రాజెక్ట్లో భాగమైన విషయాన్ని ప్రత్యేకంగా, వినోదాత్మకంగా ప్రకటిస్తూ మేకర్స్ అనిల్ రావిపూడి స్టైల్లో ఓ ఫన్ఫుల్ వీడియోను విడుదల చేశారు.
ఈ ప్రోమోలో దిగ్గజ దర్శకుడు జంధ్యాల క్లాసిక్ చిత్రం ‘ఆహా నా పెళ్లంట’లోని ఐకానిక్ సన్నివేశానికి నివాళిగా, పాత్రలను మెడ వరకు ఇసుకలో పాతిపెట్టిన సన్నివేశాన్ని రీక్రియేట్ చేశారు. సరదా ట్విస్ట్గా జీవీ ప్రకాష్ కుమార్ కూడా అదే పరిస్థితిలో కనిపిస్తారు. అప్పుడు అనిల్ రావిపూడి వచ్చి, సినిమా పండుగ వాతావరణానికి తగ్గట్టుగా చార్ట్బస్టర్ ట్యూన్స్ కావాలని అడగడం నవ్వులు పూయిస్తుంది. ఈ వీడియో ద్వారా ప్రముఖ గేయరచయిత అనంత శ్రీరామ్ కూడా ఈ చిత్ర బృందంలో భాగమని అధికారికంగా ప్రకటించారు.
ఈ క్రియేటివ్ అనౌన్స్మెంట్తో మరోసారి అనిల్ రావిపూడి తన సినిమాల్లోనే కాదు, ప్రమోషన్స్లో కూడా ఫన్ టచ్ ఎంత బలంగా ఉంటుందో చూపించారు. అదే సమయంలో ఈ చిత్రం అందించబోయే సంపూర్ణ వినోదానికి హింట్ కూడా ఇచ్చారు. త్వరలోనే ఈ చిత్రం పూజా కార్యక్రమాలతో పాటు రెగ్యులర్ షూటింగ్ ప్రారంభం కానుంది.
ఫ్యామిలీ ఆడియన్స్ను అలరించే వినోదాత్మక చిత్రాలను అందించడంలో తనకంటూ ప్రత్యేక గుర్తింపు సంపాదించుకున్న అనిల్ రావిపూడి, ఈ చిత్రాన్ని నవ్వులు, హృదయాన్ని హత్తుకునే భావోద్వేగాలు, అందరికీ దగ్గరగా అనిపించే పాత్రలతో కూడిన పక్కా కమర్షియల్ ఎంటర్టైనర్గా తీర్చిదిద్దుతున్నారు. సంక్రాంతి పండుగ మూడ్ను ప్రతిబింబించేలా రూపొందుతున్న ఈ చిత్రం యువత, కుటుంబ ప్రేక్షకులు, అన్ని తరాల సినీ ప్రేమికులను ఆకట్టుకునేలా ఉండనుంది.
అద్భుతమైన కాంబినేషన్తో పాటు ప్రముఖ నిర్మాణ సంస్థల మద్దతు ఉండటంతో ఈ సినిమాపై ఆసక్తి రోజురోజుకూ పెరుగుతోంది. 2027 సంక్రాంతి సీజన్లో అత్యంత ఆసక్తిగా ఎదురుచూస్తున్న చిత్రాల్లో ఇది ఒకటిగా నిలుస్తోంది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
