తెలుగు బుల్లితెర ప్రేక్షకులకు, డ్యాన్స్ ప్రియులకు సుపరిచితమైన ప్రముఖ డ్యాన్సర్, కొరియోగ్రాఫర్ పండు మాస్టర్ ఘోర రోడ్డు ప్రమాదానికి గురయ్యారు. విశాఖపట్నం జిల్లా ఆనందపురం జాతీయ రహదారి సమీపంలో మంగళవారం అర్ధరాత్రి దాటిన తర్వాత (ఒంటి గంట సమయంలో) ఈ దురదృష్టకర సంఘటన చోటుచేసుకుంది. ఈ ప్రమాదంలో ఆయన రెండు కాళ్లకు అత్యంత తీవ్రమైన గాయాలయ్యాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
అనకాపల్లి ప్రాంతానికి చెందిన ఒక డ్యాన్స్ గ్రూప్తో కలిసి పండు మాస్టర్ మంగళవారం రాత్రి భీమిలి పరిధిలోని తగరపువలసలో జరుగుతున్న అమ్మవారి ఉత్సవాల డ్యాన్స్ ఈవెంట్కు హాజరయ్యారు. కార్యక్రమం ముగిసిన అనంతరం తన బృందంతో కలిసి కారులో తిరుగుప్రయాణమయ్యారు.
ప్రయాణ మధ్యలో కారులో ఉన్న ఒక సహచర డ్యాన్సర్కు అస్వస్థత ఏర్పడి వాంతులు అవ్వడంతో.. ఆనందపురం సమీపంలో రోడ్డు పక్కన కారును నిలిపివేశారు. ఆ సమయంలో పండు మాస్టర్ కారు దిగి రోడ్డుపై నిలబడి ఉన్నారు. సరిగ్గా అదే సమయంలో వెనుక నుంచి అతివేగంగా, అదుపుతప్పుతూ వచ్చిన ఒక కోళ్ల లోడు వ్యాన్ (బొలెరో వాహనం) రోడ్డు పక్కన ఆగి ఉన్న కారును, పక్కనే నిలబడి ఉన్న పండు మాస్టర్ను అత్యంత బలంగా ఢీకొట్టింది.
వ్యాన్ ఢీకొట్టిన తీవ్రతకు పండు మాస్టర్ కారు పూర్తిగా దెబ్బతినగా, ఆయన రెండు కాళ్లు నలిగిపోయి తీవ్ర రక్తస్రావమైంది. ప్రమాదం జరిగిన వెంటనే తోటి సభ్యులు, స్థానికులు స్పందించి ఆయనను అత్యవసర చికిత్స నిమిత్తం విశాఖలోని ఒక ప్రైవేట్ ఆసుపత్రికి తరలించారు. ప్రస్తుతం ఆయనకు ఐసీయూలో వైద్యుల పర్యవేక్షణలో చికిత్స అందుతోంది. రెండు కాళ్లకూ సర్జరీ చేయాల్సి ఉంటుందని, కోలుకోవడానికి కనీసం 6 నెలల పాటు బెడ్ రెస్ట్ అవసరమని వైద్యులు సూచించినట్లు సమాచారం
ఈ ఘటనపై సమాచారం అందుకున్న ఆనందపురం నైట్ బీట్ పోలీసులు సంఘటనా స్థలానికి చేరుకుని దర్యాప్తు ప్రారంభించారు. ప్రమాదానికి కారణమైన కోళ్ల వ్యాన్ను, దెబ్బతిన్న కారును స్వాధీనం చేసుకుని పోలీస్ స్టేషన్కు తరలించారు. డ్రైవర్ నిద్రమత్తు, అతివేగం వల్లే ఈ ప్రమాదం జరిగి ఉంటుందని పోలీసులు భావిస్తున్నారు. బుల్లితెరపై తన మార్క్ డ్యాన్స్ మరియు కామెడీ టైమింగ్తో మంచి క్రేజ్ తెచ్చుకున్న పండు మాస్టర్కు ఈ పరిస్థితి రావడంపై టెలివిజన్ వర్గాలు, అభిమానులు తీవ్ర దిగ్భ్రాంతి వ్యక్తం చేస్తున్నారు. ఆయన త్వరగా కోలుకోవాలని సోషల్ మీడియా వేదికగా ప్రార్థిస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
