పవర్ స్టార్ పవన్ కల్యాణ్ మరియు దర్శకుడు హరీష్ శంకర్ కాంబినేషన్లో వస్తున్న అత్యంత ప్రతిష్టాత్మక చిత్రం ‘ఉస్తాద్ భగత్ సింగ్’. గతంలో వీరిద్దరి కలయికలో వచ్చిన ‘గబ్బర్ సింగ్’ సృష్టించిన ప్రభంజనం దృష్ట్యా, ఈ సినిమాపై అంచనాలు ఆకాశాన్ని తాకుతున్నాయి. రేపు (మార్చి 19) ఉగాది కానుకగా ప్రపంచవ్యాప్తంగా విడుదల కానున్న ఈ చిత్రం గురించి తాజాగా జరిగిన మీడియా సమావేశంలో దర్శకుడు హరీష్ శంకర్ పలు ఆసక్తికర విషయాలను పంచుకున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
వెండితెరపై ఒక తెలుగు బిగ్ స్టార్ నుండి పక్కా కమర్షియల్ మాస్ ఎంటర్టైనర్ వచ్చి చాలా కాలం అయ్యిందని, ఆ లోటును ఈ సినిమా భర్తీ చేస్తుందని హరీష్ శంకర్ ధీమా వ్యక్తం చేశారు. సినిమా నిడివి గురించి వివరిస్తూ, తాము షూట్ చేసిన 2 గంటల 58 నిమిషాల కంటెంట్లో కేవలం 14 నిమిషాలు మాత్రమే ఎడిటింగ్ లో తీసేశామని, ఫైనల్ అవుట్పుట్ 2 గంటల 44 నిమిషాల పక్కా యాక్షన్ డ్రామాగా వచ్చిందని తెలిపారు. ఈ పక్కా ప్లానింగ్ మరియు డిసిప్లిన్ వెనుక పవన్ కల్యాణ్ గారి పూర్తి సహకారం ఉందని ఆయన కొనియాడారు.
మైత్రీ మూవీ మేకర్స్ నిర్మాతలు నవీన్ యెర్నేని మరియు రవిశంకర్ యలమంచిలి బడ్జెట్ విషయంలో ఎక్కడా వెనకడుగు వేయకుండా, సాంగ్స్ కోసం భారీ సెట్స్ ఏర్పాటు చేశారని దర్శకుడు పేర్కొన్నారు. సినిమా విడుదల తేదీని ముందుకు జరపడంతో, అదనపు బాధ్యత తీసుకుని అద్భుతమైన రీ-రికార్డింగ్ అందించిన తమన్కు ఆయన ప్రత్యేక కృతజ్ఞతలు తెలిపారు. బాక్సాఫీస్ వద్ద ‘ధురంధర్’ వంటి భారీ చిత్రంతో పోటీ ఉన్నప్పటికీ, ‘ఉస్తాద్ భగత్ సింగ్’ తనదైన శైలిలో ప్రేక్షకులను అలరిస్తుందని, ముఖ్యంగా పవన్ కల్యాణ్ గారిని ఒక ఫుల్ ప్లెడ్జ్ మాస్ అవతార్లో చూసి ఫ్యాన్స్ పండగ చేసుకుంటారని హరీష్ శంకర్ స్పష్టం చేశారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
