నటీనటులు: రణవీర్ సింగ్ , అర్జున్ రాంపాల్ , సంజయ్ దత్ , ఆర్. మాధవన్ , సారా అర్జున్
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దర్శకత్వం: ఆదిత్య ధర్
నిర్మాణం: జియో స్టూడియోస్, బి62 స్టూడియోస్
సంగీతం: శశ్వత్ సచ్దేవ్
ఛాయాగ్రహణం: వికాస్ నౌలాఖా
కూర్పు: శివకుమార్ వి. పణిక్కర్
దేశభక్తి మరియు స్పై యాక్షన్ నేపథ్యంలో తెరకెక్కిన ‘ధురంధర్’ గత ఏడాది చివర్లో విడుదలై భారీ విజయాన్ని అందుకోవడంతో దీనికి సీక్వెల్ గా తెరకెక్కిన ధురంధర్ : ది రివెంజ్ పై అంచనాలు ఆకాశాన్ని తాకాయి.ఒక్క హిందీలోనే కాకుండా అన్ని భాషల ప్రేక్షకులు ఈసినిమా కోసం ఆసక్తిగా ఎదురు చూశారు. ఇక ఈసినిమా ఈరోజే థియేటర్లలోకి వచ్చింది. మరి ఈ సీక్వెల్ అంచనాలను అందుకుందో లేదో రివ్యూలో తెలుసుకుందాం.
కథ :
ఈ సినిమా కథ ప్రధానంగా జస్క్రీత్ సింగ్ రంగీ అనే భారతీయ ఏజెంట్ ప్రయాణం చుట్టూ తిరుగుతుంది. మొదటి భాగంలో రెహ్మాన్ డకైట్ అంతం తర్వాత, కథ ఇప్పుడు కరాచీ అండర్వరల్డ్ నేపథ్యంలో సాగుతుంది. తన దేశం కోసం తన సొంత గుర్తింపును వదులుకుని, శత్రువుల కోటలో ‘హంజా అలీ మజారీ’గా మారిన హీరో గతాన్ని ఈ భాగంలో చాలా లోతుగా ఆవిష్కరించారు.
భారతదేశంపై జరిగే ఉగ్రదాడులకు నిధులు సమకూర్చే నెట్వర్క్ను ధ్వంసం చేయడం హీరో ప్రధాన లక్ష్యం. ఈ క్రమంలో పాకిస్థాన్ ఐఎస్ఐ అధికారి మేజర్ ఇక్బాల్ (అర్జున్ రాంపాల్) తో హీరో సాగించే మైండ్ గేమ్స్, అలాగే తీవ్రమైన యాక్షన్ సీక్వెన్స్ ఈ సినిమాకు వెన్నెముకగా నిలిచాయి. చివరకు తన ప్రాణాలకు తెగించి, అజ్ఞాత వీరుడిగా అతను తన మిషన్ను ఎలా పూర్తి చేశాడు? దేశభక్తి కోసం అతను చేసిన త్యాగాలేమిటి?అనేది మిగితా కథ.
విశ్లేషణ :
ధురంధర్ 1 అంచనాలను మించి ఉంటే, ‘ధురంధర్ 2: ది రివెంజ్’ ఆ అంచనాలను తలకిందులు చేస్తూ భారతీయ సినిమా స్థాయిని మరో మెట్టు ఎక్కించింది. మొదటి భాగం కంటే ప్రతి విషయంలోనూ ఈ చిత్రం ఎంతో భారీగా, మెరుగ్గా మరియు ఆద్యంతం ఉత్కంఠభరితంగా రూపొందింది. దాదాపు 4 గంటల నిడివి ఉన్నప్పటికీ, స్క్రీన్ప్లే ప్రేక్షకుడికి రెప్పవాల్చే అవకాశం కూడా ఇవ్వదు. స్టైల్, డ్రామా, థ్రిల్స్ మరియు దేశభక్తి కలగలిసిన ఒక అద్భుత దృశ్యకావ్యం ఇది.
ఈ కథలో జస్క్రీత్ సింగ్ రంగీ ఎలా హంజా అలీ మజారీగా మారాడు అనే గతాన్ని అత్యంత ప్రతిభావంతంగా చూపించారు. మన ఏజెంట్ల శిక్షణ, వారి పరాక్రమం మరియు ఆపరేషన్లలోని ప్రతి చిన్న విషయాన్ని దర్శకుడు ఆదిత్య ధర్ అద్భుతంగా ఆవిష్కరించారు. మొదటి భాగంతో పోలిస్తే ఈ సీక్వెల్లో యాక్షన్ సీక్వెన్సులు చాలా తీవ్రంగా, హింసాత్మకంగా మరియు రోమాంచితంగా ఉన్నాయి. ముఖ్యంగా ఎలివేషన్ సీన్లు థియేటర్లలో ప్రేక్షకులకు పూనకాలు తెప్పిస్తాయి. 8 గంటల ఫుటేజీని చిత్రీకరించి, దానిని రెండు భాగాలుగా ఇంత అద్భుతంగా మలిచిన ఆదిత్య ధర్ పనితీరును అభినందించాల్సిందే.
నటన విషయానికి వస్తే, రణవీర్ సింగ్ జస్క్రీత్ మరియు హంజా పాత్రల్లో పరకాయ ప్రవేశం చేశాడు. రెండు ఛాయల్లోనూ ఆయన నటన అనితరసాధ్యం. ఆర్. మాధవన్ పాత్రకు ఈసారి ఎక్కువ ప్రాధాన్యత లభించింది, ఆయన నటన ఎక్సలెంట్. మేజర్ ఇక్బాల్గా అర్జున్ రాంపాల్, సంజయ్ దత్, సారా అర్జున్ మరియు ఇతర నటీనటులు తమ పాత్రలకు పూర్తి న్యాయం చేశారు. ప్రతి పాత్ర ప్రేక్షకులపై బలమైన ముద్ర వేస్తుంది. శశ్వత్ అందించిన సంగీతం మరియు బ్యాక్గ్రౌండ్ స్కోర్ ఈ సినిమాకు రెండో ప్రాణంగా నిలిచింది. ప్రతి సన్నివేశం కూడా సంగీతం వల్ల మరింత ఎఫెక్టివ్గా మారింది.
సాంకేతికంగా ఈ చిత్రం భారతీయ సినిమాలోని టాప్ 10 చిత్రాల్లో ఒకటిగా నిలుస్తుంది. సెట్ డిజైన్, సినిమాటోగ్రఫీ, ఎడిటింగ్ మరియు సౌండ్ డిజైన్ అంతర్జాతీయ స్థాయిలో ఉన్నాయి. సినిమా క్లైమాక్స్ గురించి ఎంత చెప్పినా తక్కువే, అది ప్రతి భారతీయుడి గుండె గర్వంతో ఉప్పొంగేలా చేస్తుంది. దేశం కోసం ప్రాణాలర్పించే అజ్ఞాత వీరుల పట్ల ఈ చిత్రం ఇచ్చే గౌరవం వెలకట్టలేనిది. ధురంధర్ 2 బాక్సాఫీస్ వద్ద పాత రికార్డులన్నింటినీ తుడిచిపెట్టేయడం ఖాయం. భారతదేశంలో ₹1000 కోట్ల నెట్ వసూళ్లు, ప్రపంచవ్యాప్తంగా ₹2000 కోట్ల గ్రాస్ సాధించిన మొదటి హిందీ చిత్రంగా ఇది చరిత్ర సృష్టించే అవకాశం ఉంది.
ఓవరాల్ గా ధురంధర్: ది రివెంజ్ కేవలం ఒక సీక్వెల్ మాత్రమే కాదు, భారతీయ స్పై థ్రిల్లర్ సినిమాల్లో ఒక కొత్త ఒరవడిని సృష్టించిన అద్భుతం. దాదాపు 4 గంటల నిడివి ఉన్నప్పటికీ, ఆద్యంతం ఉత్కంఠను రేకెత్తిస్తూ ప్రేక్షకులను కట్టిపడేస్తుంది. రణవీర్ సింగ్ కెరీర్ బెస్ట్ పెర్ఫార్మెన్స్, ఆదిత్య ధర్ అద్భుతమైన మేకింగ్ మరియు శశ్వత్ అందించిన వెన్నులో వణుకు పుట్టించే నేపథ్య సంగీతం ఈ చిత్రాన్ని మరో స్థాయికి తీసుకెళ్లాయి.
మొదటి భాగం కంటే ఎంతో భారీగా, ఎమోషనల్గా మరియు టెక్నికల్గా స్ట్రాంగ్గా ఉన్న ఈ సినిమా.. బాక్సాఫీస్ వద్ద సరికొత్త రికార్డులను సృష్టించడం ఖాయం. ప్రతి భారతీయుడు గర్వంగా చెప్పుకోదగ్గ, థియేటర్లలోనే చూడాల్సిన ఒక పక్కా మాస్టర్ పీస్ ఇది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
