శివ కందుకూరి,తేజు అశ్విని జంటగా రాజీవ్ కనకాల కీలక పాత్రలో నటించిన ‘నవాబ్ కేఫ్’ట్రైలర్ నేడు విడుదలైంది. ఒక సామాన్యమైన ‘చాయ్ వాలా’ కొడుకు తన కలల కోసం మరియు తన తండ్రి వారసత్వం కోసం పడే తపనను ఈ ట్రైలర్లో హృద్యంగా ఆవిష్కరించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ట్రైలర్ ప్రారంభంలోనే “చాయ్ వాలా నా కొడకా” అనే డైలాగ్ ద్వారా హీరో ఎదుర్కొనే సామాజిక వివక్షను చూపించారు. రాజీవ్ కనకాల ఒక అనుభవజ్ఞుడైన టీ మాస్టర్గా (రంగనాథ్) కనిపించగా, శివ కందుకూరి ఆయన కొడుకుగా నటించారు. ఇంజనీరింగ్ పూర్తి చేసిన హీరో, తండ్రి వారసత్వంగా వస్తున్న 400 ఏళ్ల చరిత్ర గల ‘నవాబ్ చాయ్’ లేదా తన సొంత కెరీర్.. ఈ రెండింటి మధ్య నలిగిపోయే పాత్రలో ఒదిగిపోయారు. లగ్జరీ కార్లు, ఫైవ్ స్టార్ లైఫ్ కావాలనుకునే హీరో, చివరికి తన తండ్రి పరువును మరియు ఆ కేఫ్ ఉనికిని ఎలా కాపాడాడు అనేదే కథాంశంగా కనిపిస్తోంది.
రాజీవ్ కనకాల మరియు శివ కందుకూరి మధ్య వచ్చే సన్నివేశాలు చాలా సహజంగా, ఎమోషనల్గా ఉన్నాయి. “కష్టాలకు కంగారు ఎక్కువరా.. అందుకే త్వరగా వచ్చేస్తాయి” వంటి సంభాషణలు ఆకట్టుకుంటాయి. తేజు అశ్విని మరియు శివ మధ్య సాగే రొమాంటిక్ ట్రాక్ ప్లెజెంట్గా ఉంది. ముఖ్యంగా ‘సఖి’ సినిమా ప్రస్తావన వచ్చే సీన్స్ యూత్కు నచ్చుతాయి.
ట్రైలర్లో విజువల్స్ చాలా కలర్ఫుల్గా ఉన్నాయి. ప్రశాంత్ ఆర్ విహారి అందించిన నేపథ్య సంగీతం ట్రైలర్లోని ఎమోషన్స్ను బాగా ఎలివేట్ చేసింది.”ఒక కప్పు టీ పెట్టడానికి ఐదు నిమిషాలు టైం పట్టినప్పుడు, జీవితం మారడానికి కొంచెం టైం పట్టదా?” లాంటి డైలాగ్స్ బాగున్నాయి.
మొత్తానికి ‘నవాబ్ కేఫ్’ ట్రైలర్ ఒక మంచి ఫీల్ గుడ్ ఎమోషనల్ డ్రామాను తలపిస్తోంది. హర్షిక ప్రొడక్షన్స్ బ్యానర్పై ప్రమోద్ హర్ష దర్శకత్వంలో రూపొందిన ఈసినిమా ఫిబ్రవరి 20న విడుదల కానుంది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
