నటీనటులు : రష్మిక మందన్న , దీక్షిత్ శెట్టి , అను ఇమ్మాన్యుయేల్ , రావు రమేష్
ఎడిటింగ్ : చోటా కె ప్రసాద్
సినిమాటోగ్రఫీ : కృష్ణన్ వసంత్
సంగీతం : హేషమ్ అబ్దుల్ వాహబ్
దర్శకత్వం : రాహుల్ రవీంద్రన్
నిర్మాతలు : విద్య కొప్పినీడు ,ధీరజ్ మొగిలినేని
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
విడుదలకు ముందు ప్రమోషన్స్ తో గట్టుగానే సౌండ్ చేసింది ది గర్ల్ ఫ్రెండ్. స్టార్ హీరోయిన్ రష్మిక మందన్న ప్రధాన పాత్రలో నటించిన చిత్రమిది. ప్రమోషనల్ కంటెంట్ ప్రామిసింగ్ గా ఉండడం అల్లు అరవింద్ బ్యానర్ లో నిర్మితమైన సినిమా కావడంతో ది గర్ల్ ఫ్రెండ్ పై అంచనాలు పెరిగిపోయాయి. ప్రముఖ నటుడు , డైరెక్టర్ రాహుల్ రవీంద్రన్ ఈసినిమాను డైరెక్ట్ చేశాడు. ఇక ఈసినిమా ఈరోజే థియేటర్లలోకి వచ్చింది. మరి ది గర్ల్ ఫ్రెండ్ ఈఎలా వుంది ? అంచనాలను అందుకుందో లేదో రివ్యూ లో తెలుసుకుందాం.
కథ :
భూమా దేవి (రష్మిక మందన్న) అమ్మాయి జీవితం చుట్టూ తిరిగే కథ ఇది. ఎం.ఏ చదువుతున్న భూమా తొలి చూపులోనే , కాలేజీలో విక్రమ్ (దీక్షిత్ శెట్టి)ను ప్రేమిస్తుంది. మొదట అద్భుతంగా అనిపించిన ఈ బంధం, విక్రమ్ యొక్క అధికారం చెలాయించే, అనుమానించే స్వభావం కారణంగా భూమాకు ఉచ్చులా మారుతుంది. ఈ సంబంధంలో ఊపిరాడక ఇబ్బంది పడుతున్న ఆమె, తన సమస్యల నుండి, సమాజంలోని కొన్ని ఒత్తిళ్ల నుండి ఎలా బయటపడింది అనేదే ఈ సినిమా ప్రధాన కథాంశం. ఇందులో ఈ కథను దర్శకుడు రాహుల్ రవీంద్రన్ మహిళా కోణం నుండి, చాలా నిజాయితీగా చెప్పే ప్రయత్నం చేశారు
విశ్లేషణ :
రొమాంటిక్ డ్రామా ను చాలా నిజాయితీగా చెప్పే ప్రయత్నం చేశాడు దర్శకుడు రాహుల్ రవీంద్రన్. ఆ ప్రయత్నంలో విజయం సాధించాడు.ఎక్కడా అసభ్యత లేకుండా సన్నివేశాలు వున్నాయి. మొదటి 30 నిమిషాల నటన తోనే రష్మిక సీట్లో కూర్చోబెట్టిసింది.
ఫస్ట్ హాఫ్ : సినిమా బలమైన ఆరంభంతో మొదలవుతుంది. కథానాయిక భూమా దేవి యొక్క నేపథ్యం, ఆమె తండ్రి (రావు రమేష్) తో ఆమెకున్న బంధాన్ని పరిచయం చేస్తారు. భూమా తన మాస్టర్స్ కోసం హైదరాబాద్లోని కాలేజీకి రావడం, అక్కడ విక్రమ్తో ఏర్పడిన ప్రేమ ప్రయాణం హాయిగా మొదలవుతుంది. కొన్ని రొమాంటిక్ సన్నివేశాలతో సాఫీగా సాగుతున్నట్లే అనిపిస్తుంది. అయితే, విక్రమ్లోని అతి ప్రేమ, అనుమానం, ఆధిపత్యం చెలాయించే స్వభావం నెమ్మదిగా బయటపడుతుంది. ఈ క్రమంలోనే, వీరిద్దరి బంధంలో అలజడి మొదలవుతుంది. భూమా తన బంధం గురించి భయపడటం, ఆలోచనల్లో మునిగిపోవడం జరుగుతుంది.బలంఈ భాగంలో రష్మిక మందన్న నటన అద్భుతంగా ఉంటుంది. నేపథ్య సంగీతం సన్నివేశాలను ఎలివేట్ చేస్తుంది. ఇంటర్వెల్ సమయానికి, భూమా ఆ సంబంధంలో చిక్కుకుపోయి, ఏం చేయాలో తెలియని గందరగోళ పరిస్థితిలో ఉండటం చూపించి, ద్వితీయార్థంపై ఆసక్తిని పెంచుతారు.
సెకండ్ హాఫ్ : ద్వితీయార్థం భూమా యొక్క మానసిక పోరాటం చుట్టూ తిరుగుతుంది. విక్రమ్తో సంబంధం తెంచుకోలేక, దానిలో ఉండలేక ఆమె పడే వేదనను దర్శకుడు సుదీర్ఘంగా చూపించారు. సెకండ్ సాలిడ్ డ్రామా తో నడిపించాడు దర్శకుడు.ప్రీ-క్లైమాక్స్ అలాగే క్లైమాక్స్ అద్భుతంగా మలిచారు. భూమా తన ఆత్మగౌరవం కోసం, స్వేచ్ఛ కోసం గట్టిగా నిలబడే తీరు సంతృప్తికరంగా ఉంటుంది. ఈ భాగం సినిమా యొక్క ప్రధాన ఉద్దేశాన్ని బలంగా ప్రేక్షకులకు చేరవేస్తుంది.
నటీనటుల విషయానికి వస్తే భూమా దేవి పాత్రలో రష్మిక నటన సినిమాకు ప్రధాన బలం. భయం, నిస్సత్తువ, ఆత్మగౌరవం కోసం పోరాటం వంటి భావోద్వేగాలను ఆమె చక్కగా పలికించింది. ముఖ్యంగా క్లైమాక్స్లో ఆమె ప్రదర్శన మెచ్చుకోదగినది.ఆమె కెరీర్ లో ది బెస్ట్ ఇచ్చింది. ఈసినిమా అవార్డులు తెచ్చుపెట్టడం ఖాయం. ఇక విక్రమ్ పాత్రలో దీక్షిత్ శెట్టి నటన ఆకట్టుకుంది. రావు రమేష్, అను ఇమ్మాన్యుయేల్: భూమా తండ్రిగా రావు రమేష్ పాత్రలో ఇంటెన్సిటీని చూపించగా, భూమా స్నేహితురాలు దుర్గ పాత్రలో అను ఇమ్మాన్యుయేల్ తన వంతు పాత్రను సమర్థంగా పోషించింది.
టెక్నికల్ గా కూడా సినిమా చాలా స్ట్రాంగ్ గా వుంది. దర్శకుడు రాహుల్ రవీంద్రన్ కథాంశం పట్ల నిజాయితీగా వ్యవహరించారు. ‘చి. ల. సౌ’ తరహాలో భావోద్వేగాలను పట్టుకునే ప్రయత్నం చేశారు. హేషమ్ అబ్దుల్ వాహబ్ అందించిన పాటలు, ప్రశాంత్ విహారి అందించిన నేపథ్య సంగీతం సినిమా మూడ్ను ఎలివేట్ చేశాయి విజువల్స్ ,పాత్రల మనఃస్థితిని ప్రతిబింబించేలా ఉన్నాయి.ఎడిటింగ్ ఓకే. నిర్మాణ విలువలు ఉన్నతంగా వున్నాయి.
ముగింపు :
‘ది గర్ల్ఫ్రెండ్’ ఆధునిక సంబంధాలలో మహిళ ఎదుర్కొనే మానసిక పోరాటాన్ని, ఆత్మగౌరవాన్ని ఎలా కాపాడుకుంది అనే కథ తో వచ్చిన ఈసినిమా ఆకట్టుకుంది. లీడ్ రోల్స్ నటీనటల నటన సినిమాకు ప్రధాన బలం అవ్వగా మ్యూజిక్ ,విజువల్స్ హైలైట్ అయ్యాయి.ఒక మంచి సందేశం తో వచ్చిన ఈసినిమా విమర్శకుల ప్రశంసలు అందుకుంటుంది అనడంలో సందేహం లేదు.థియేటర్లలో ఈసినిమాను ఈజీగా ఓసారి చూసేయచ్చు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
