పవర్ స్టార్ పవన్ కళ్యాణ్ అభిమానుల ఎదురుచూపులకు తెరపడింది. ఎన్నో నెలలుగా ఎదురుచూస్తున్న ‘ఓజీ’ (They Call Him OG) సినిమా షూటింగ్ పూర్తయినట్లు మేకర్స్ అధికారికంగా ప్రకటించారు. ఈ వార్తతో పవర్ స్టార్ అభిమానుల్లో పండగ వాతావరణం నెలకొంది. సినిమా విడుదల కోసం వారు ఉత్సాహంగా ఎదురుచూస్తున్నారు. అన్నపూర్ణ స్టూడియోస్లో ఈ చివరి రోజు షూటింగ్ ముగిసినట్టు కెమెరామెన్ రవి కే. చంద్రన్ సోషల్ మీడియా వేదికగా ప్రకటించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
షూటింగ్ పూర్తి.. విడుదల మాత్రమే మిగిలింది!
దర్శకుడు సుజిత్ రూపొందిస్తున్న ఓజీ సినిమా షూటింగ్ ప్రక్రియ ముగిసింది. అయితే, ఈ సినిమాకు సంబంధించిన పవన్ కళ్యాణ్ పాత్ర చిత్రీకరణ చాలా రోజుల క్రితమే పూర్తయింది. మిగతా కొన్ని కీలక సన్నివేశాల షూటింగ్ ఇప్పుడు పూర్తి కావడంతో, మేకర్స్ సినిమా షూటింగ్కు అధికారికంగా ప్యాకప్ చెప్పారు. ఈ ప్రకటనతో ఓజీ విడుదల పనులు వేగవంతం కానున్నాయని స్పష్టమవుతోంది.
ఎమ్రాన్ హష్మీ విలనిజం, తమన్ మ్యూజిక్..
ఈ సినిమాలో ప్రియాంక అరుళ్ మోహన్ హీరోయిన్గా నటిస్తుండగా.. బాలీవుడ్ స్టార్ నటుడు ఎమ్రాన్ హష్మీ విలన్గా కనిపించనున్నాడు. ఆయన నటన సినిమాకు ఒక ప్రధాన బలం అని చెబుతున్నారు. ఇప్పటికే విడుదలైన ఓజీ థీమ్ మ్యూజిక్తో సంగీత దర్శకుడు థమన్ సినిమాపై అంచనాలను భారీగా పెంచారు. ఎమ్రాన్ హష్మీ విలనిజం, పవన్ కళ్యాణ్ గ్యాంగ్స్టర్ గెటప్, మరియు థమన్ బ్యాక్గ్రౌండ్ మ్యూజిక్ సినిమాకు మూడు ప్రధాన బలాలుగా నిలవనున్నాయి.
‘ఓజీ’పై భారీ అంచనాలు..
డి.వి.వి. దానయ్య నిర్మిస్తున్న ఈ భారీ బడ్జెట్ చిత్రం సెప్టెంబర్ 25న ప్రపంచవ్యాప్తంగా విడుదల కానుంది. ప్రస్తుతం పోస్ట్-ప్రొడక్షన్ పనులు చకచకా జరుగుతున్నాయి. డబ్బింగ్, ఎడిటింగ్, విజువల్ ఎఫెక్ట్స్ పనులు పూర్తయితే సినిమా విడుదలకు మార్గం సుగమం అవుతుంది. ఓజీలో పవన్ కళ్యాణ్ పోషిస్తున్న గ్యాంగ్స్టర్ ‘గంభీర’ పాత్రలో కనిపించనున్నారు. ఓజీ బాక్సాఫీస్ వద్ద ఒక సరికొత్త రికార్డును సృష్టిస్తుందని అభిమానులు ఆశాభావం వ్యక్తం చేస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
