యువ సామ్రాట్ అక్కినేని నాగచైతన్య కొత్త సినిమాకు సంబంధించిన అధికారిక ప్రకటన వచ్చేసింది. ఈరోజు చైతన్య జన్మదినం సందర్భంగా మేకర్స్ ఈ ప్రాజెక్ట్ను ఆఫీషియల్గా అనౌన్స్ చేశారు. ఈ సందర్భంగా మూవీ ఫస్ట్ లుక్ని విడుదల చేశారు. ఇది సూపర్ నేచురల్ థ్రిల్లర్గా తెరకెక్కనున్నట్టు సమాచారం. కాగా ఈ చిత్రాన్ని స్టార్ డైరెక్టర్ సుకుమార్ తన హోం బ్యానర్ సుకుమార్ రైటింగ్స్ మరియు ఎస్వీసీసీ బ్యానర్స్పై నిర్మాత బీవీఎస్ఎన్ ప్రసాద్తో కలిసి సంయుక్తంగా నిర్మిస్తుండటం విశేషం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఎన్సీ24 (#NC24) వర్కింగ్ టైటిల్తో వ్యవహరిస్తున్న ఈ మూవీకి సాయి ధరమ్ తేజ్తో ‘విరుపాక్ష’ వంటి బ్లాక్ బస్టర్ కొట్టిన కార్తీక్ వర్మ దండు దర్శకత్వం వహించనున్నారు. మరికొన్ని రోజుల్లో సెట్స్ పైకి వెళ్లనున్న ఈ సినిమాలో నటించనున్న ఇతర నటీనటులు మరియు పనిచేయనున్న సాంకేతికవర్గం వివరాలను మేకర్స్ త్వరలోనే వెల్లడించనున్నారు. కాగా సుకుమార్, చైతూ కాంబోలో ఇంతకుముందు ‘100% లవ్’ అనే బ్లాక్ బస్టర్ సినిమా వచ్చిన సంగతి తెలిసిందే.
ఇక ఇదిలావుంటే, నాగచైతన్య ప్రస్తుతం ‘తండేల్’ అనే మూవీలో హీరోగా నటిస్తున్న విషయం తెలిసిందే. వాస్తవ సంఘటనల ఆధారంగా రూపొందుతోన్న ఈ చిత్రంలో చైతూ మత్స్యకారుడిగా కనిపించనున్నారు. క్రియేటివ్ డైరెక్టర్ చందూ మొండేటి దర్శకత్వం వహిస్తున్న ఈ సినిమాలో సాయిపల్లవి ఫిమేల్ లీడ్ రోల్ ప్లే చేస్తోంది. గీతా ఆర్ట్స్పై అగ్ర నిర్మాత అల్లు అరవింద్ సమర్పణలో బన్నీవాసు నిర్మిస్తున్నారు.
రాక్ స్టార్ దేవి శ్రీ ప్రసాద్ సంగీతం సమకూరుస్తుండగా.. శ్యామ్ దత్ సినిమాటోగ్రఫీ అందిస్తున్నారు. ఈ సినిమా నుంచి ఇటీవలే రిలీజైన ఫస్ట్ సింగల్ ‘బుజ్జి తల్లి’ మ్యూజిక్ లవర్స్ని ఇంప్రెస్ చేస్తోంది. ఫిబ్రవరి 7న తండేల్ ప్రేక్షకుల ముందుకు రానుంది. హీరో నాగచైతన్య ఇంతకుముందెన్నడూ కనిపించని పాత్రలో కనిపిస్తుండటంతో ఈ చిత్రంపై భారీ అంచనాలే ఉన్నాయి.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
