బిగ్ బాస్ 7 ప్రోమో వచ్చేసింది

బుల్లి తెర ప్రేక్షకులకు బిగ్ బాస్ రియాలిటీ షో గురించి ప్రత్యేకంగా చెప్పనక్కర్లేదు. ఈ షోకి ప్రత్యేకంగా ఫ్యాన్స్ బేస్ ఉంది అని చెప్పడంలో కూడా ఎలాంటి సందేహం లేదు. ఇక ఇప్పటివరకూ తెలుగులో ఆరు సీజన్లు జరగగా త్వరలో సీజన్ 7 ప్రేక్షకుల ముందుకు రానుంది. దీనిలో భాగంగానే ఈ సీజన్ నుండి అప్ డేట్లు మొదలయ్యాయి. ఇక తాజాగా ఈ సీజన్ ప్రోమోను రిలీజ్ చేశారు షో యాజమాన్యం. ప్రోమోతోనే సీజన్ పై క్యూరియాసిటీని పెంచేశారు. నాగార్జున చేతిలో పాప్ కార్న్ పట్టుకొని ఈసారి సీజన్ లో అంటూ ఆగిపోతాడు.. మళ్లీ ఈసారి కొత్తగా అని చెబుతూ.. ప్రతిసారి ఇదే అంటూ అంటూ ఆగిపోయి. ఫైనల్ గా కుడి ఎడమైతే పొరపాటు లేదోయ్ అంటూ ఈసారి కొత్తగా ఉండబోతుందని హింట్ ఇచ్చేశాడు.

ఇక ఈ సీజన్ కు కూడా కింగ్ నాగార్జుననే హోస్ట్ గా వ్యవహరిస్తున్నారు. మొదటి సీజన్ కు ఎన్టీఆర్, రెండో సీజన్ కు న్యాచురల్ స్టార్ నాని హోస్ట్ గా చేయగా.. మూడో సీజన్ నుండి నాగార్జుననే హోస్ట్ గా వ్యవహరిస్తున్నారు. అయితే సీజన్ 7కి హోస్ట్ మారుతున్నట్టు పలువురి పేర్లు కూడా తెరపైకి వచ్చాాయి. కానీ ఆవార్తలకు రీసెంట్ గానే క్లారిటీ ఇచ్చారు. ఇప్పుడు సీజన్ 7 కి కూడా నాగార్జుననే హోస్ట్ గా చేస్తున్నారు.

ఇదిలా ఉండగా అప్పుడే ఈసీజల్ పార్టిసిపేట్ చేసే కంటెస్టెంట్స్ అంటూ కొన్ని పేర్లు తెరపైకి వచ్చాయి. ప్రభాకర్, కార్తీకదీపం శోభా శెట్టి, బుల్లెట్ బండి సాంగ్ ఫేమ్ మోహన భోగరాజు, ఢీ పండు, సిద్ధార్థ వర్మ, అమర్ దీప్ తేజస్విని జంటతో పాటు పలువురు సెలబ్రిటీల పేర్లు వినిపిస్తున్నాయి. మరి వారిలో ఎంతమంది ఉంటారో? ఉండరో ? అన్నది తెలియాలంటే కొద్ది రోజులు వెయిట్ చేయాల్సిందే.

ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్బేడ్ ఫిలిమ్స్