నటీనటులు: కిరణ్ అబ్బవరం, యుక్తి తరేజా, సాయి కుమార్, నరేష్ వికె, కామ్నా జెఠ్మలానీ, వెన్నెల కిశోర్, మురళీధర్ గౌడ్ తదితరులు
సంగీతం: చైతన్ భరద్వాజ్
ఎడిటింగ్: ఛోటా కె ప్రసాద్
సినిమాటోగ్రఫీ: సతీష్ రెడ్డి మాసం
నిర్మాణం: హాస్య మూవీస్, రుద్రాంశ్ సెల్యులాయిడ్ బ్యానర్స్
నిర్మాతలు: రాజేష్ దండ, శివ బొమ్మ
దర్శకత్వం: జైన్స్ నాని
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
టాలీవుడ్ యంగ్ అండ్ ట్యాలెంటెడ్ నటుడు కిరణ్ అబ్బవరం కథానాయకుడిగా నటించిన తాజా చిత్రం ‘కె-ర్యాంప్’. లాస్ట్ ఇయర్ దీపావళికి ‘క’తో సాలిడ్ హిట్ అందుకున్న ఈ యువ నటుడు ఆ తర్వాత చేసిన ‘దిల్ రూబా’తో అంతగా ఆకట్టుకోలేకపోయాడు. దీంతో ఈసారి ఎలాగైనా బ్లాక్ బస్టర్ కొట్టాలన్న కసితో ఈ దీపావళికి ‘కే ర్యాంప్’తో ప్రేక్షకుల ముందుకొచ్చాడు.
ఇప్పటికే విడుదల చేసిన మూవీ ప్రమోషనల్ కంటెంట్ సినిమాపై మంచి బజ్ క్రియేట్ చేసిన నేపథ్యంలో భారీ అంచనాల నడుమ నేడు ఈ చిత్రం థియేటర్లలోకి వచ్చేసింది. ట్రైలర్లో బోల్డ్ కంటెంట్తో యూత్ని అట్రాక్ట్ చేసిన ఈ సినిమా ఆడియెన్స్ని ఆకట్టుకుందా? జైన్స్ నాని తన డైరెక్షన్తో మ్యాజిక్ చేయగలిగాడా? కిరణ్ అబ్బవరం మళ్ళీ హిట్ కొట్టాడా? అనేవి తెలియాలంటే రివ్యూలోకి వెళ్లాల్సిందే.
కథ:-
రిచ్ బిజినెస్ మ్యాన్ అయిన కృష్ణ (సాయికుమార్) కొడుకు కుమార్ అబ్బవరం (కిరణ్ అబ్బవరం) అల్లరి చిల్లరిగా, చీప్ అలవాట్లతో కాలక్షేపం చేస్తుంటాడు. చదువు, సంధ్య లేకుండా చిల్లర వేషాలు వేస్తుంటాడు. తన కుమారుడి అలవాట్లను మార్చే ఉద్దేశంతో, కృష్ణ అతన్ని కేరళలోని తన బావమరిది (నరేష్) వద్దకు పంపుతాడు.
అక్కడ కాలేజీలో చేరిన కుమార్కు మెర్సి (యుక్తి తరేజా) పరిచయం అవుతుంది. వారి పరిచయం క్రమంగా ప్రేమగా మారుతుంది. అయితే, తీరా పీకల్లోతు ప్రేమలో ఉన్న సమయంలో మెర్సికి పోస్ట్ ట్రామాటిక్ స్టెస్ డిజార్డర్ (PSTD) అనే అరుదైన వ్యాధి ఉందని కుమార్ తెలుసుకుంటాడు. ఆ వ్యాధి కారణంగా ఆమె ఆత్మహత్యకు ప్రయత్నిస్తూ ఉంటుంది.
దాంతో కుమార్ ఆమెతో ప్రేమకు బ్రేకప్ చెప్పాలని నిర్ణయించుకుంటాడు. అయితే, మెర్సికి ఉన్న అరుదైన వ్యాధి కారణంగా ఎలాంటి కష్టాలు కుమార్కు ఎదురయ్యాయి? మెర్సీ ప్రవర్తన వల్ల కుమార్ ఎలాంటి నరకాన్ని అనుభవించాడు? చివరకు మెర్సీకి ఉన్న వ్యాధి నయం అయిందా? బ్రేకప్ చెప్పాలనుకొన్న కుమార్ ఏం చేశాడు? తండ్రి ఆవేదనను కుమార్ అర్దం చేసుకున్నాడా? అనేదే ఈ సినిమా కథ.
విశ్లేషణ:-
నటీనటుల ప్రదర్శన:
- కిరణ్ అబ్బవరం: ఈ సినిమాకు ప్రధాన బలం కిరణ్ అబ్బవరం నటన. ముఖ్యంగా ఫ్యాన్స్ను ఆకట్టుకునే విధంగా మాస్ ఎనర్జీ మరియు కామెడీ టైమింగ్తో అదరగొట్టాడు. ఫస్టాఫ్లో వన్-లైన్ డైలాగ్లతో, సెకండాఫ్లో తన క్యారెక్టరైజేషన్లో వచ్చే కామెడీ సీన్లలో కిరణ్ తనదైన మార్కు చూపించి వన్-మ్యాన్ షో చేశాడని చెప్పొచ్చు.
- యుక్తి తరేజా: మెర్సీ పాత్రకు యుక్తి బాగా సూట్ అయింది. ఆమె అందం, అభినయం ఆకట్టుకున్నాయి. కిరణ్తో ఆమె కెమిస్ట్రీ బాగా కుదిరింది.
- వెన్నెల కిశోర్: కొన్ని కీలక సన్నివేశాల్లో వెన్నెల కిశోర్ కామెడీ బాగా వర్కౌట్ అయింది. అతని టైమింగ్ థియేటర్లో నవ్వులు పూయించింది.
- నరేష్, సాయికుమార్, మురళీధర్ గౌడ్: ఇతర నటులంతా తమ పాత్రల పరిధి మేరకు బాగా నటించారు.
మూవీ హైలైట్స్:
- సెకండాఫ్ కామెడీ: ఇంటర్వెల్ తర్వాత వచ్చే సుమారు 30 నిమిషాల పాటు సాగే హాస్పిటల్ ఎపిసోడ్లో కామెడీ పీక్స్లో ఉంది. కిరణ్ అబ్బవరం పెర్ఫార్మెన్స్, ఇతర కమెడియన్ల టైమింగ్ ఫ్యాన్స్కు ఫుల్ కిక్ ఇస్తుంది.
- కిరణ్ ఎనర్జీ: మాస్ ఆడియన్స్ కిరణ్ అబ్బవరం నుంచి ఏం ఆశిస్తారో అది ఈ సినిమాలో పుష్కలంగా ఉంది.
- సంగీతం: చైతన్ భరద్వాజ్ అందించిన సంగీతం, ముఖ్యంగా నేపథ్య సంగీతం సినిమాను ఎలివేట్ చేసింది. పాటలు కూడా ఆకట్టుకునేలా ఉన్నాయి.
- డైలాగ్స్: సినిమాలో కొన్ని వన్-లైన్ పంచ్లు, ఫన్ డైలాగ్లు బాగా పేలాయి.
సాంకేతిక వర్గం:
- దర్శకత్వం: దర్శకుడు జైన్స్ నాని ఒక రొటీన్ కథాంశాన్ని ఎంచుకున్నప్పటికీ, దానికి తనదైన కామెడీ ట్రీట్మెంట్ ఇచ్చే ప్రయత్నం చేశారు. ఫస్టాఫ్ కాస్త నెమ్మదిగా ఉన్నా, సెకండాఫ్లో మాత్రం కథనం వేగంగా, ఎంటర్టైనింగ్గా నడిపించారు.
- సినిమాటోగ్రఫీ (సతీష్ రెడ్డి మాసం): విజువల్స్ రిచ్గా ఉన్నాయి. సన్నివేశాలను అందంగా, కలర్ఫుల్గా చూపించారు.
- ఎడిటింగ్ (ఛోటా కె. ప్రసాద్): నిడివి (రన్-టైమ్) కొంత ఎక్కువగా అనిపించినా, వేగవంతమైన సెకండాఫ్ ఆ లోటును భర్తీ చేసింది.
అభిమానులకి మాస్ ట్రీట్:
‘K-ర్యాంప్’ అనేది ఔట్ అండ్ ఔట్ ఎంటర్టైనర్గా చెప్పవచ్చు. ఇది కిరణ్ అబ్బవరం ఫ్యాన్స్కు పండగలాంటి సినిమా. కొత్తదనం లేని రొటీన్ ఫార్ములా ఉన్నప్పటికీ, హీరో ఎనర్జీ, సెకండాఫ్ కామెడీ కోసం తప్పకుండా చూడవచ్చు. మాస్ ఫన్ ఇష్టపడే ప్రేక్షకులకు ఈ సినిమా డెఫినెట్గా నచ్చుతుంది. ఓవరాల్గా పాత కథ, కొత్త ర్యాంపేజ్! దివాళీకి ఫ్యామిలీతో కలిసి హాయిగా నవ్వుకోవడానికి ఒకసారి చూడదగిన సినిమా అని చెప్పొచ్చు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
