టాలీవుడ్ ట్యాలెంటెడ్ హీరో విష్ణు మంచు టైటిల్ రోల్‌లో నటిస్తున్న లేటెస్ట్ మూవీ ‘కన్నప్ప’. ఆయన డ్రీమ్ ప్రాజెక్ట్‌గా తెరకెక్కుతోన్న ఈ మూవీ నుంచి ప్రతీ సోమవారం ఒక ఇంట్రెస్టింగ్ అప్డేట్‌ అందిస్తున్న విషయం తెలిసిందే. ఇటీవలే పాన్ ఇండియా రెబెల్ స్టార్ ప్రభాస్ పాత్రకు సంబంధించి ఫస్ట్ లుక్ రివీల్ చేసిన చిత్ర యూనిట్.. అంతకుముందే బాలీవుడ్ స్టార్ హీరో అక్షయ్ కుమార్ మహా శివుడి క్యారక్టర్ పోస్టర్ విడుదలచేసిన సంగతి గుర్తుండేవుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక రీసెంట్ గానే కన్నప్ప నుండి ‘శివ శివ శంకర’ అంటూ సాగే ఫస్ట్ సింగిల్ రిలీజ్ చేసింది చిత్ర బృందం. ఇక ఈ సాంగ్ తెలుగు, హిందీ, తమిళం, కన్నడ మరియు మలయాళం భాషల్లో విడుదలచేయగా.. అన్ని భాషల్లో మంచి రెస్పాన్స్ అందుకుంది. అలాగే ఇటీవలే కన్నప్ప టీజర్ రిలీజ్ చేయగా అది కూడా ఆకట్టుకుంది. ఈ నేపథ్యంలో ఈ జోరుని రెట్టింపు చేస్తూ తాజాగా మరో పాటను రిలీజ్ చేసింది చిత్రబృందం.
హీరో, హీరోయిన్ మధ్య తెరకెక్కిన ఈ లవ్ సాంగ్ లిరికల్ వీడియోను నేడు విడుదలచేసింది. స్టీఫెన్ దేవాస్సి అందించిన బీట్ వినసొంపుగా ఉంది. శ్రీమణి సాహిత్యం అందించగా.. ఎల్ వి రేవంత్, సాహితి చాగంటి ఆలపించారు. ప్రభుదేవా, బృందా మాస్టర్స్ నృత్య రీతులను సమకూర్చారు. ఫస్ట్ సింగిల్ మాదిరే ఇక ఈ సాంగ్ కూడా సినిమాపై అంచనాలను పెంచేదిగావుంది.
కాగా కన్నప్ప చిత్రంలో అన్ని ప్రధాన భాషలకు చెందిన ప్రముఖ నటీనటులు నటిస్తున్న విషయం తెలిసిందే. మోహన్ బాబు, మోహన్ లాల్, మధుబాల, శరత్ కుమార్, దేవరాజ్, హీరోయిన్ ప్రీతి ముఖుంధన్ తదితరులు కీలక పాత్రలు పోషిస్తున్నారు. అలాగే బ్రహ్మానందం, సప్తగిరి తదితరులు నటిస్తున్నారు. ఇక వీరితోపాటుగా విష్ణు మంచు కుమార్తెలు, కుమారుడు మరో ముఖ్యపాత్రల్లో కనిపించనున్నారు.
మోహన్ బాబు నిర్మిస్తున్న ఈ చిత్రాన్ని ముఖేష్ కుమార్ సింగ్ డైరెక్ట్ చేస్తున్నారు. స్టీఫెన్ దేవస్సీ సంగీతం సమకూరుస్తున్నాడు. సినిమాటిక్ ఎక్స్‌పీరియెన్స్ ఇచ్చే విజువల్ వండర్‌గా కన్నప్ప ప్రేక్షకుల ముందుకు రాబోతోంది. ధైర్యవంతుడైన యోధుడు శివుని భక్తుడైన కన్నప్ప కథను అద్భుతంగా మలుస్తున్న చిత్ర యూనిట్.. ఏప్రిల్ 25, 2025న ఈ సినిమాను రిలీజ్ చేయబోతోంది.
ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
