టాలీవుడ్ ట్యాలెంటెడ్ హీరో అల్లరి నరేష్ ఒకప్పుడు కామెడీ సినిమాలకు కేరాఫ్ అడ్రస్. ఇప్పుడు ఆయన రూట్ మార్చారు. గత కొంతకాలంగా వైవిధ్యభరిత సినిమాలు చేస్తున్నారు. ఒకే జోనర్కు పరిమితమవ్వకుండా డిఫరెంట్ జోనర్స్లో చిత్రాలు చేస్తున్నారు. ఇటీవల వచ్చిన ‘నాంది, ఉగ్రం, ఇట్లు మారేడుమిల్లి ప్రజానీకం’ సినిమాలు ఇందుకు ఉదాహరణ. వీటిలో నరేష్ చాలా సీరియస్ టైప్ పాత్రలలో నటించి మెప్పించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదేకోవలో ఇప్పుడు అల్లరి నరేష్ ప్రధానపాత్రలో నటిస్తోన్న మోస్ట్ యాంటిసిపేటెడ్ మూవీ ‘బచ్చల మల్లి’. కంప్లీట్ మాస్ యాక్షన్ ఎంటర్టైనర్గా తెరకెక్కుతోన్న ఈ సినిమా హీరోగా ఆయనకు 63వది కావడం విశేషం. ‘సోలో బ్రతుకే సో బెటరు’ సినిమాతో మంచి గుర్తింపు తెచ్చుకున్న సుబ్బు మంగదేవి ఈ మూవీకి దర్శకత్వం వహిస్తున్నాడు.
మ్యూజిక్ ప్రమోషన్స్లో భాగంగా ఇప్పటికే ఈ చిత్రం నుండి ‘మా ఊరి జాతరలో’ అనే పాటను రిలీజ్ చేయగా మంచి రెస్పాన్స్ అందుకుంది. ఇక అల్లరి నరేష్ జన్మదినం సందర్భంగా రిలీజ్ చేసిన గ్లింప్స్ అయితే సినిమాపై అంచనాలను మరింతగా పెంచేసింది. షూటింగ్ కంప్లీట్ చేసుకున్న ఈ మూవీ ప్రస్తుతం పోస్ట్ ప్రొడక్షన్ పనులు జరుపుకుంటోంది.
అల్లరి నరేష్ తన పాత్రకు సంబంధించి డబ్బింగ్ కూడా పూర్తి చేస్తున్నట్టు సమాచారం. ఈ నేపథ్యంలో తాజాగా ఈ సినిమాకు సంబంధించి కీలక అప్డేట్ వచ్చింది. మంగళవారం మేకర్స్ ‘బచ్చల మల్లి’ చిత్రం విడుదల తేదీని ప్రకటించారు. ఈ యూనిక్ కాన్సెప్ట్ మూవీ డిసెంబర్ 20న గ్రాండ్ రిలీజ్ కానున్నట్టు తెలిపారు. ఈ మేరకు హీరో అల్లరి నరేష్ సోషల్ మీడియా వేదికగా అధికారికంగా వెల్లడించారు.
కాగా ‘బచ్చల మల్లి’ చిత్రం 1990 బ్యాక్డ్రాప్లో యాక్షన్ డ్రామా పాయింట్తో తెరకెక్కుతోంది. ముఖ్యంగా అల్లరి నరేష్ ఫుల్ మాస్ రోల్లో కనిపిస్తుండటంతో ఈ మూవీపై మంచి బజ్ ఏర్పడింది. ఈ సినిమాలో ‘హనుమాన్’ ఫేమ్ అమృత అయ్యర్ కథానాయికగా నటిస్తుండగా.. రావు రమేష్, రోహిణి, సాయికుమార్, కోట జయరామ్, హరితేజ, ప్రవీణ్, ధనరాజ్ తదితరులు కీలక పాత్రల్లో నటిస్తున్నారు.
ఇక ఈ చిత్రానికి విశాల్ చంద్రశేఖర్ సంగీతం అందిస్తుండగా.. ఛోటా కె ప్రసాద్ ఎడిటర్గా, బ్రహ్మ కడలి ప్రొడక్షన్ డిజైనర్గా వ్యవహరిస్తున్నారు. ఇక ‘మానాడు’, ‘రంగం’, ‘మట్టి కుస్తీ’ వంటి హిట్ సినిమాలకు పనిచేసిన రిచర్డ్ ఎం నాథన్ కెమరామెన్గా పని చేస్తున్నారు. దర్శకుడు సుబ్బు స్వయంగా కథ, స్క్రీన్ ప్లే అందిస్తుండగా, విప్పర్తి మధు స్క్రీన్ ప్లే రైటర్గా సహకారం అందిస్తున్నారు.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్డ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
