మాస్ మహారాజా రవితేజ ఫ్యాన్స్ ఆసక్తికరంగా ఎదురుచూస్తున్న సినిమా మిస్టర్ బచ్చన్. హరీష్ శంకర్ దర్శకత్వంలో ఫుల్ మాస్ యాక్షన్ ఎంటర్ టైనర్ గా ఈసినిమా వస్తుంది. వీరిద్దరి కాంబినేషన్ లో ఇప్పటికే రెండు సినిమాలు వచ్చాయి. షాక్, మిరపకాయ్ సినిమాలు రాగా వాటిలో మిరపకాయ్ మాత్రం మంచి హిట్ ను అందించింది. దీంతో ఈసినిమాపై భారీ అంచనాలే ఏర్పడ్డాయి. ఆగష్ట్ 15వ తేదీన ఈసినిమా ప్రేక్షకుల ముందుకు రానున్న నేపథ్యంలో ప్రస్తుతం చిత్రయూనిట్ ప్రమోషన్ కార్యక్రమాలతో బిజీగా ఉంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
తాజాగా ట్రైలర్ ను కూడా రిలీజ్ చేశారు. ట్రైలర్ కు మంచి రెస్పాన్స్ వస్తుంది. వింటేజ్ రవితేజను మరోసారి చూడొచ్చన్న అభిప్రాయాలు వస్తున్నాయి. ఈ సినిమాలోని యాక్షన్ సీన్స్, మాస్ సీన్స్, రవితేజ చెప్పే పవర్ఫుల్ డైలాగ్స్ అన్నీ ఆకట్టుకున్నాయి. ఇక ఇప్పుడు ఈసినిమా సెన్సార్ కార్యక్రమాలు కూడా పూర్తి చేసుకుంది. ఈసినిమాకు చిత్రబృందం యూఏ సర్టిఫికెట్ ను అందించింది. ఇక ఈ విషయ్నాని చిత్రయూనిట్ తమ ట్విట్టర్ ద్వారా అధికారికంగా తెలియచేసింది.
కాగా ఈసినిమాలో భాగ్య శ్రీ బోర్సే హీరోయిన్ గా నటిస్తుంది. ఇంకా ఈసినిమాలో జగపతి బాబు, సచిన్ ఖేడేకర్, వైవా హర్ష, నెల్లూరు సుదర్శన్, తదితరులు కీలక పాత్రల్లో నటిస్తున్నారు. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్న ఈ చిత్రానికి వివేక్ కూచిభొట్ల సహ నిర్మాతగా వ్యవహరిస్తున్నారు. మిక్కీ జె మేయర్ సంగీతం అందిస్తుండగా, అయనంక బోస్ సినిమాటోగ్రఫీని అందిస్తున్నారు. ఈ చిత్రానికి అవినాష్ కొల్లా ప్రొడక్షన్ డిజైనర్ కాగా, ఎడిటింగ్ ఉజ్వల్ కులకర్ణి. మరి ఎప్పటినుండో ఒక సాలిడ్ హిట్ కోసం వెయిట్ చేస్తున్న రవితేజకు ఈసినిమా ఎలాంటి హిట్ ను అందిస్తుందో చూడాలి.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
