రామ్ గోపాల్ వర్మ.. దేశంలో ఎంతోమంది దర్శకులకు గురువు వంటివాడు. ఆయన తీసిన సినిమాలను చూసి ప్రభావితమై చాలామంది యువకులు తాము కూడా దర్శకులుగా మారడానికి ఇండస్ట్రీకి వచ్చేశారు. తొలినుంచీ వైవిధ్యమైన కథలతో సినిమాలు తీసిన ఆయన.. ఈ క్రమంలో ఎంతోమంది కొత్తవారికి నటులుగా, టెక్నీషియన్లుగా మారడానికి అవకాశం కల్పించారు. ఇక కొత్తదనాన్ని ప్రోత్సహించడంలో ముందుండే రామ్గోపాల్ వర్మ పలువురిని హీరోయిన్లుగా కూడా ఇండస్ట్రీకి ఇంట్రడ్యూస్ చేసిన విషయం తెలిసిందే. ఇదే క్రమంలో తాజాగా మరో కొత్త అమ్మాయికి తన సినిమాలో హీరోయిన్ గా అవకాశం ఇచ్చారు. అయితే ఈ సినిమాకు రామ్గోపాల్ వర్మ కేవలం ప్రొడ్యూసర్గానే వ్యవహరిస్తుండటం విశేషం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక వివరాల్లోకి వెళ్తే.. సోషల్ మీడియాలో శ్రీలక్ష్మి సతీష్ అనే అమ్మాయి చేసిన కొన్ని వీడియోలు, రీల్స్ వైరల్గా మారడంతో.. అవి చూసి ఇంప్రెస్ అయిన వర్మ, ఆమెకు హీరోయిన్గా అవకాశం ఇస్తానని గతంలోనే ప్రకటించారు. ఇచ్చినమాట ప్రకారం.. ఇప్పుడు ఆమెతో ‘శారీ’ అనే సినిమాను అనౌన్స్ చేశారు. అలాగే ఈ చిత్రానికి ఆ అమ్మాయితో వీడియోస్ రూపొందించి సోషల్ మీడియాలో వైరల్ అవడానికి కారణమైన కెమెరామెన్ అఘోష్ వైష్ణవం ను దర్శకుడిగా పరిచయం చేస్తున్నారు. ఈరోజు ‘ఇంటర్నేషనల్ శారీ డే’ సందర్భంగా రామ్గోపాల్ వర్మ ఈ మూవీకి సంబంధించి ఫస్ట్ లుక్ రిలీజ్ చేశారు. ఈ మేరకు ట్విట్టర్ వేదికగా ‘శారీ’ సినిమాలోని శ్రీలక్ష్మి సతీష్ ఫస్ట్ లుక్ పోస్టర్ విడుదల చేశారు.
RGV DEN is SUPER EXCITED to launch the 1st look poster of its new film SAAREE ,an intense psychological THRILLER today on the INTERNATIONAL SAAREE DAY #SaareeGirl #SaareeFilm #RgvsSaaree #InternationalSaareeDay pic.twitter.com/j9lbqwp8mV
— Ram Gopal Varma (@RGVzoomin) December 21, 2023
కాగా శ్రీలక్ష్మి సతీష్ పేరును ఆమె తల్లి ఆరాధ్య దేవిగా మార్చినట్లు కూడా రామ్గోపాల్ వర్మ ట్విట్టర్ ద్వారా వెల్లడించారు. ‘టూ మచ్ లవ్ కెన్ బి టూ డేంజరస్’ అని పోస్టర్ తోనే ఈ సినిమా ఎలా ఉండబోతుందో చూచాయగా చెప్పేశారు. అతి ప్రేమ ఎలాంటి అనర్థాలకు దారితీస్తుందన్నది ఈ ‘శారీ చిత్రంతో చూపించబోతున్నట్లు అర్ధమవుతోంది. ఇందుకు సంబంధించి వర్మ పెట్టిన పోస్టులు, శారీ మూవీ ఫస్ట్ లుక్ పోస్టర్స్ ప్రస్తుతం సోషల్ మీడియాలో వైరల్గా మారాయి. ఇక ఇదిలా ఉండగా మరోవైపు వర్మ దర్శకత్వం వహించిన పొలిటికిల్ మూవీ ‘వ్యూహం’ డిసెంబర్ 29న రిలీజ్ కానుంది.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
