ఈవారం విడుదలకానున్న సినిమాలు ఇవే ..

March 13, 2023

ఈ శుక్రవారం రెండు సినిమాలు బాక్సాఫీస్ వద్ద తమ అదృష్టాన్ని పరీక్షించుకోనున్నాయి. ఈ రెండు సినిమాలపై ప్రేక్షకులు కూడా ఆసక్తి చూపిస్తున్నారు. అందులో మొదటిది టాలీవుడ్ యంగ్ హీరో నాగశౌర్య నటించిన ‘ఫలానా అబ్బాయి ఫలానా అమ్మాయి‘.

మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:

లేటెస్ట్ తెలుగు మూవీస్

డైరెక్టర్ కం యాక్టర్ అవసరాల శ్రీనివాస్ ఈ సినిమాకు దర్శకుడు కావడం దానికి తోడు ఇటీవల విడుదలైన ట్రైలర్ ప్రామిసింగ్ గా ఉండి మంచి రెస్పాన్స్ తెచ్చుకోవడంతో ఈ సినిమాపై మంచి అంచనాలు వున్నాయి. పీపుల్ మీడియా ఫ్యాక్టరీ మరియు దాసరి ప్రొడక్షన్స్ ఈ చిత్రాన్ని సంయుక్తంగా నిర్మించగా కళ్యాణి మాలిక్ సంగీతం అందించారు. మాళవిక నాయర్ హీరోయిన్ గా నటించింది.

ఇక ఈసినిమాతో పాటు ఈ శుక్రవారం బాక్సాఫీస్ వద్ద సందడి చేయనుంది ప్రముఖ కన్నడ హీరో ఉపేంద్ర నటించిన ‘కబ్జ‘ చిత్రం. పాన్ ఇండియా మూవీగా వస్తున్న ఈచిత్రంలో కన్నడ స్టార్ హీరోలు శివ రాజ్ కుమార్, సుదీప్ కీలక పాత్రల్లో కనిపించనుండడంతో ఈ సినిమాపై కూడా భారీ అంచనాలు వున్నాయి. ప్రపంచ వ్యాప్తంగా దాదాపు 4000 థియేటర్లలో ఈసినిమా విడుదలకానుంది. ఆర్ చంద్రు ఈ చిత్రాన్ని తెరకెక్కించాడు. ఇటీవల విడుదలైన కన్నడ సినిమాలు ‘కెజియఫ్, కాంతారా, విక్రాంత్ రోణ తెలుగులోనూ సత్తా చాటడంతో ఈ కబ్జ కు ఇక్కడ కూడా మంచి హైప్ వుంది. మరి ఈ అంచనాలను అందుకుంటుందో లేదో చూడాలి.