లెజెండరీ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ హీరోగా ఒక సినిమా వస్తున్న సంగతి తెలిసిందే కదా. భారీ బడ్జెట్ తో ఈసినిమాను అత్యంత ప్రతిష్టాత్మకంగా తెరకెక్కిస్తున్నారు మేకర్స్. ఈసినిమా ఎప్పుడో షూటింగ్ ను మొదలుపెట్టి కొంతవరకూ షూటింగ్ ను పూర్తి చేసుకుంది. ప్రస్తుతం మిగిలిన షూటింగ్ ను పూర్తి చేసే పనిలో ఉన్నారు. ఈ గ్యాప్ లో పలు రూమర్స్ కూడా వచ్చేశాయి. టెక్నికల్ గా ఏదో సమస్య రావడంతో ఈ సినిమాకు కొద్ది రోజులు బ్రేక్ పడనుందన్న వార్తలు వచ్చాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఇప్పుడు ఈ రూమర్స్ తో పాటు ఇండియన్ 2 సినిమా షూటింగ్ పై కూడా క్లారిటీ ఇచ్చాడు. RC15 సినిమా సెట్స్ పైన ఉండగానే ఇండియన్ 2 సినిమాను కూడా మొదలుపెట్టేస్తున్నాడు శంకర్. ఈవిషయాన్ని శంకర్ తన ట్విట్టర్ ద్వారా అధికారికంగా తెలియచేశారు. ఇండియన్ 2, RC15 రెండు కూడా ఒకే సారి షూటింగ్ జరుగుతాయి.. సెప్టెంబర్ ఫస్ట్ వీక్‌లో హైద్రాబాద్, వైజాగ్‌లో షూటింగ్‌కు రెడీగా ఉండండి అంటూ క్లారిటీ ఇచ్చాడు.
అయితే తాజాగా ఈ పోస్ట్ పై మెగా పవర్ స్టార్ రామ్ చరణ్ స్పందించారు. RC15 షూటింగ్ సెట్స్ లో మిమ్మల్ని కలిసేందుకు ఎదురు చూస్తున్నాను.. ఇండియన్2 సినిమాను మళ్లీ స్టార్ట్ చేసినందుకు ఎగ్జైట్ గా అవుతున్నా.. ఆల్ ది బెస్ట్ అంటూ పోస్ట్ లో పేర్కొన్నారు.
Waiting to see you soon on our sets Sir.. and very excited to hear Indian 2 will resume soon.
All the best!! 🤗🙏 https://t.co/osdibudNiy— Ram Charan (@AlwaysRamCharan) August 25, 2022
కాగా ఈసినిమాలో రామ్ చరణ్ కు జోడీగా కియారా అద్వాని హీరోయిన్ గా నటిస్తుంది. ఇంకా ఈసినిమాలో శ్రీకాంత్, జయరామ్, అంజలి, సునీల్, నవీన్ చంద్ర కూడా ముఖ్యమైన పాత్రలు పోషిస్తున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు ఈసినిమాను ఎంతో ప్రతిష్టాత్మకంగా నిర్మించనున్నారు. పాన్ ఇండియా రేంజ్ లో తెరకెక్కుతున్న ఈసినిమాను తమిళ్, తెలుగు, హిందీలో చిత్రీకరిస్తున్నారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
