గతేడాది‘మాస్ట్రో’ అనే సినిమాతో ప్రేక్షకుల ముందుకు వచ్చాడు నితిన్. అయితే ఆ సినిమాను నేరుగా ఓటీటీలో రిలీజ్ చేయగా మంచి విజయం దక్కింది. ఇక ఇప్పుడు మరో కొత్త సినిమాతో వచ్చేస్తున్నాడు. ఎం ఎస్ రాజశేఖర్ రెడ్డి దర్శకత్వంలో నితిన్ హీరోగా వస్తున్న సినిమా మాచర్ల నియాజకవర్గం. పొలిటికల్ యాక్షన్ థ్రిల్లర్ గా ఈసినిమాను తెరకెక్కిస్తున్నారు. ఇక నితిన్ కూడా తన కెరీర్ లో ఇలాంటి పాత్రలో మొదటిసారి వస్తున్నాడు. ఇక ప్రస్తుతం ఈసినిమా పోస్ట్ ప్రొడక్షన్ పనులను ముగించుకునే పనిలో ఉంది. ఇక మరోవైపు చిత్రయూనిట్ చిన్నగా ప్రమోషన్ కార్యక్రమాలు స్టార్ట్ చేసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దీనిలో భాగంగానే తాజాగా ఈసినిమా నుండి ఒక అప్ డేట్ ఇచ్చారు. ఈసినిమా నుండి నితిన్ ఫస్ట్ లుక్ కు డేట్, టైమ్ ను ఫిక్స్ చేశారు. మార్చి 26వ తేదీన ఉదయం 10గంటల 8నిమిషాలకు ఈసినిమా ఫస్ట్ లుక్ ను రిలీజ్ చేస్తున్నట్టు అధికారికంగా ప్రకటించాడు. అంతేకాదు ఈసినిమాలో నితిన్ పాత్రని కూడా రివీల్‌ చేశారు. ఈ చిత్రంలో నితిన్ ఎన్‌. సిద్ధార్థ్‌ రెడ్డిగా కనిపించబోతున్నారు. అలాగే ఆయన ఐఏఎస్‌ అని, గుంటూరు జిల్లా కలెక్టర్‌గా కనిపించనున్నారని చిత్ర యూనిట్‌ వెల్లడించింది.
ఉత్తర్వులు జారీ📄☑️
Siddharth Reddy aka @actor_nithiin😎 taking his FIRST CHARGE on 26th March at 10.08 AM💥💥#MacherlaNiyojakavargam🔥@IamKrithiShetty @CatherineTresa1 @SrSekkhar #SudhakarReddy #NikithaReddy #RajkumarAkella @adityamusic#MacherlaMassLoading 🤙 pic.twitter.com/jQwnPaSRlJ
— Sreshth Movies (@SreshthMovies) March 24, 2022
కాగా ఈ సినిమాలో నితిన్ సరసన కృతి శెట్టి, కేథరిన్ థెరిస్సా హీరోయిన్లుగా నటిస్తున్నారు. రాజ్ కుమార్ ఆకెళ్ళ సమర్పణ లో ,ఆదిత్య మూవీస్ అండ్ ఎంటర్టైన్మెంట్స్, శ్రేష్ట్ మూవీస్ బ్యానర్స్ పై ఈ చిత్రాన్ని సుధాకర్ రెడ్డి, నిఖితా రెడ్డి నిర్మిస్తున్నారు. మహతి స్వరసాగర్ సంగీతం అందిస్తున్న ఈసినిమాకు ప్రసాద్ మూరెళ్ల సినిమాటోగ్రాఫర్ గా పనిచేస్తున్నారు. ఈ చిత్రాన్ని ఏప్రిల్ 29న ప్రపంచ వ్యాప్తంగా విడుదల చేయబోతోన్నారు. మరి ఈ సినిమాతో నితిన్ ఎలాంటి విజయాన్ని అందుకుంటాడో చూడాలి.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
