ఎకె ఎంటర్టైన్మెంట్స్, క్రియేటివ్ కమర్షియల్స్ బ్యానర్స్ పై మెహెర్ రమేశ్ దర్శకత్వంలో మెగా స్టార్ చిరంజీవి , తమన్నా జంటగా అన్నా చెల్లెళ్ళ నేపథ్యంలో “భోళా శంకర్”మూవీ తెరకెక్కుతున్న విషయం తెలిసిందే. సూపర్ హిట్ “వేదాళం”తమిళ మూవీ తెలుగు రీమేక్ గా తెరకెక్కుతున్న ఈ చిత్రంలో చిరంజీవి చెల్లెలుగా కీర్తి సురేశ్ నటిస్తున్నారు. మురళీశర్మ , రావు రమేష్ , రఘుబాబు, వెన్నెల కిషోర్ ముఖ్య పాత్రలలో నటిస్తున్నారు. సాగర్ మహతి సంగీతం అందిస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
మహా శివరాత్రి పర్వ దినం (మార్చి 1 వ తేదీ ) సందర్భంగా “భోళాశంకర్” మూవీ ఫస్ట్ లుక్ పోస్టర్ ను వైబ్ ఆఫ్ భోళా పేరుతో చిత్ర యూనిట్ ఒక వీడియో క్లిప్ ను రిలీజ్ చేసింది. మెగా స్టార్ చిరంజీవి స్టైలిష్ లుక్ ప్రేక్షక , అభిమానులను విశేషంగా ఆకట్టుకుని సోషల్ మీడియా లో వైరల్ గా మారింది.తాజాగా “భోళాశంకర్ ” మూవీ కి సంబంధించిన “వైబ్ ఆఫ్ భోళా” వీడియో క్లిప్ ను ముంబైలోని జుహూ బీచ్లోని సముద్రంలో ఓ షిప్లో ప్రత్యేకంగా ఏర్పాటు చేసిన స్క్రీన్పై ప్రదర్శించారు. ఇలా సముద్రంలో ఒక సినిమాకు సంబంధించిన వీడియోను ప్లే చేయడం ఇదే తొలిసారి . జుహూ బీచ్లో “వైబ్ ఆఫ్ భోళా”ను చూస్తూ అక్కడి జనం ఎంజాయ్ చేస్తున్నారు. దీనికి సంబంధించిన వీడియోను ప్రముఖ గేయ రచయిత రామజోగయ్య శాస్త్రి సోషల్ మీడియా లో షేర్ చేశారు. ఇది మెగాస్టార్ క్రేజ్కు నిదర్శనం అని మెగా ఫ్యాన్స్ అంటున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
