మహానటి సినిమాతో మంచి గుర్తింపు తెచ్చుకున్న కీర్తిసురేష్ అప్పటి నుండి లేడీ ఓరియెంటెడ్ సినిమాలకు కేరాఫ్ అడ్రస్ గా మారిపోయింది. ఆ తరువాత పలు లేడీ ఓయెంటెడ్ సినిమాలను లైన్ లో పెట్టిన సంగతి తెలిసిందే కదా. వాటిలో గుడ్ లక్ సఖి సినిమా కూడా. స్పోర్ట్స్ నేపథ్యంలో తెరకెక్కిన ఈసినిమాలో కీర్తి సురేష్ షూటర్‌గా కనిపించనుంది. ఈసినిమా కూడా ఎప్పుడో రిలీజ్ కావాల్సింది కానీ కరోనా వల్ల ఈసినిమా కూడా చాలా సార్లు రిలీజ్ ను వాయిదా వేసుకుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
రీసెంట్ గానే రిలీజ్ డేట్ ను ప్రకటించింది చిత్రయూనిట్. రిపబ్లిక్ డే అయిన రెండు రోజులకు అంటే జనవరి 28న గుడ్ లక్ సఖి సినిమా విడుదల కానుంది. ఇక రిలీజ్ కు నాలుగు రోజులు మాత్రమే ఉండగా వీలైనంత వరకూ బజ్ క్రియేట్ చేయడానికి చూస్తున్నారు మేకర్స్. అందుకే ప్రమోషన్స్ స్టార్ట్ చేశారు. దీనిలో భాగంగానే నేడు ఈసినిమా నుండి ట్రైలర్ ను రిలీజ్ చేశారు. ఇక ట్రైలర్ కూడా బాగానే ఆకట్టుకుంటుంది. మన దేశం గర్వపడేలా షూటర్స్ ను రెడీ చేయబోతున్నాను అంటూ జగపతిబాబు చెప్పే డైలాగ్ తో ఈ ట్రైలర్ మొదలవుతుంది. కీర్తి సురేష్ షూటర్ గా ఎలా మారింది అనే సన్నివేశాలు చూపించారు. ఎమోషన్ కూడా బాగా హైలైట్ అయింది. ఈ ట్రైలర్ సినిమా పై అంచనాలను పెంచింది. మరి సినిమా ఎలా ఉంటుందో తెలియాలంటే మాత్రం రిలీజ్ వరకూ ఆగాల్సిందే.
మన “సఖి” 🦋 వచ్చేసింది💞
Here’s the entertaining trailer of #GoodLuckSakhi💃
▶️https://t.co/eZaKx7HzY2#GLSTrailer#GoodLuckSakhiOn28thJan@KeerthyOfficial @AadhiOfficial @ThisIsDSP #NageshKukunoor #DilRaju @sudheerbza @shravyavarma @WorthAShotArts @AtluriNRao @MangoMusicLabel pic.twitter.com/xiUhnLvyaw
— Worth A Shot (@WorthAShotArts) January 24, 2022
మరి ఈ టైమ్ లో సినిమా రిలీజ్ చేయడం అంటే కాస్త రిస్క్ అనే చెప్పొచ్చు. మరోవైపు గుడ్ లక్ సఖి సినిమాకు పోటీగా మరే చిత్రం లేకపోవడం కూడా కలిసొచ్చే అంశమే. చూద్దాం మరి ఈ సఖి లక్ ఎలా ఉందో..!
కాగా ఈసినిమాలో ఆదిపినిశెట్టి, జగపతిబాబు, రాహుల్ రామకృష్ణ, రమాప్రభ తదితరులు కీలక పాత్రల్లో కనిపించనున్నారు. వ‌ర్త్ ఎ షాట్ మోష‌న్ ఆర్ట్స్ బ్యాన‌ర్‌పై సుధీర్‌ చంద్ర పాదిరి, శ్రావ్య వర్మ ఈ చిత్రాన్ని నిర్మిస్తున్నారు. ఈ సినిమాను ఒకేసారి తెలుగు, త‌మిళ, మ‌ల‌యాళం భాష‌ల్లో రూపొందిస్తున్నారు. దేవి శ్రీ ప్రసాద్ ఈ సినిమాకు సంగీతం అందిస్తుండగా.. చిరంతన్ దాస్ సినిమాటోగ్రఫీ అందిస్తున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
