"పుష్పరాజ్ "గెటప్ లో క్రికెటర్ జడేజా
Jadeja's Pushpa Raj Makeover Goes Viral

సుకుమార్ దర్శకత్వంలో ఐకాన్ స్టార్ అల్లు అర్జున్, రష్మిక జంటగా తెరకెక్కిన యాక్షన్ థ్రిల్లర్ "పుష్ప ది రైజ్" మూవీ ప్రపంచవ్యాప్తంగా భారీ కలెక్షన్స్ తో ప్రదర్శించబడుతున్న విషయం తెలిసిందే. పాన్ ఇండియా మూవీ గా విడుదల అయిన ఈ చిత్రం ప్రతి ఒక్కరినీ ఆకట్టుకుంటోంది. ఇప్పటికే ఈ చిత్రం పై పలువురు ప్రముఖులు, సినీ పరిశ్రమ కి చెందిన వారు ప్రశంసల వర్షం కురిపిస్తున్నారు. టీమ్ ఇండియా క్రికెటర్లు సైతం పుష్పరాజ్ కి ఫిదా అయ్యారు.
తాజాగా సోషల్ మీడియా వేదిక గా ఆల్ రౌండర్ రవీంద్ర జడేజా ఒక పోస్ట్ చేశారు . పుష్పరాజ్ గెటప్ లో ఉన్న తన ఫోటో ను షేర్ చేసి పుష్ప అంటే ఫ్లవర్ అనుకుంటివా, ఫైరు అంటూ జడేజా ట్వీట్ చేశారు . జడేజా చేసిన ట్వీట్ సోషల్ మీడియా లో వైరల్ గా మారింది. త్వరలోనే "పుష్ప " సెకండ్ పార్ట్ సెట్స్ పైకి వెళ్ళనుంది.








