కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

ఓటీటీలోకి దీవానా.. డిజిటల్ స్ట్రీమింగ్ ఎప్పటినుంచంటే?

deewana is now streaming on ott
ఓటీటీ1 ని. చదువు

ఓటీటీలోకి దీవానా.. డిజిటల్ స్ట్రీమింగ్ ఎప్పటినుంచంటే?

Deewana Is Now Streaming on OTT

deewana is now streaming on ott

యువ నటుడు హర్షిత్ రెడ్డి, స్మేహా మణిమేఘలై జంటగా నటించిన క్రేజీ లవ్ అండ్ రొమాంటిక్ డ్రామా ‘దీవానా’ డిజిటల్ విడుదల తేదీ ఖరారైంది. థియేటర్లలో విడుదలైన తర్వాత మిశ్రమ స్పందనతో పాటు మంచి ప్రశంసలు అందుకున్న ఈ చిన్న చిత్రం, ఇప్పుడు ఓటీటీ ద్వారా డిజిటల్ ప్రేక్షకులను అలరించేందుకు సిద్ధమైంది.

ప్రముఖ ప్రాంతీయ ఓటీటీ ప్లాట్‌ఫామ్ ‘ఆహా’ ఈ చిత్ర డిజిటల్ హక్కులను సొంతం చేసుకోగా, ఈ రోజు నుంచి అధికారికంగా స్ట్రీమింగ్ లోకి వచ్చేసింది. ఆహా గోల్డ్ సబ్‌స్క్రైబర్లకు మాత్రం నిన్నటి నుంచే ముందస్తుగా ఈ చిత్రం అందుబాటులోకి వచ్చింది. ఈ సినిమా తెలుగుతో పాటు తమిళ భాషలోనూ ఆహాలో అందుబాటులో ఉంది.

నవదర్శకుడు శ్రీకాంత్ సంగిశెట్టి తెరకెక్కించిన ఈ చిత్రాన్ని గీతా ఆర్ట్స్ పతాకంపై వాసుదేవ్ కొప్పినేని, శ్రీదేవి కార్యంపూడి సంయుక్తంగా నిర్మించారు. ఒక స్వచ్ఛమైన పల్లెటూరి ప్రేమకథ, కుటుంబ భావోద్వేగాలు మరియు వినూత్నమైన మలుపులతో ఈ సినిమాను రూపొందించారు.

హర్షిత్ రెడ్డి, స్మేహా మణిమేఘలైలతో పాటు సీనియర్ నటులు నరేష్, ఝాన్సీ, 'బలగం' వేణు, జీవన్ కుమార్ కీలక పాత్రల్లో నటించారు.థియేటర్లలో మిస్ అయిన ప్రేక్షకులు, మంచి యూత్‌ఫుల్ అండ్ ఎమోషనల్ లవ్ డ్రామాను వీక్షించాలనుకునేవారు ఈ వీకెండ్‌లో ‘ఆహా’లో ఈ చిత్రాన్ని వీక్షించవచ్చు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్