పాన్ ఇండియా సినిమాలు.. భారీ బడ్జెట్ సినిమాలు ఎంతగా బజ్ క్రియేట్ చేస్తాయో అంత హైప్ ఉంటుంది. అందుకే ముందునుండే మేకర్స్ అప్ డేట్స్ తో జనాల్లో బజ్ క్రియేట్ చేస్తుంటారు. అందులో రాజమౌళి గురించి ప్రత్యేకంగా చెప్పనక్కర్లేదు. సినిమా మొదలైనప్పటినుండి రాజమౌళి సినిమాపై బజ్ ఏర్పడిపోతుంది. ఇక అందుకుతగ్గట్టే రాజమౌళి కూడా ఏదో ఒక ఇంట్రెస్టింగ్ ఎలిమెంట్ సోషల్ మీడియాలో వైరల్ చేస్తుంటాడు. ఈనేపథ్యంలోనే ఆర్ఆర్ఆర్ సందడి మొదలుపెట్టేశారు. సంక్రాంతికి ఈసినిమా రిలీజ్ కానున్న నేపథ్యంలో రాజమౌళి ప్రమోషన్ కార్యక్రమాల్లో స్పీడు పెంచారు. దీనిలో భాగంగానే ఈసినిమాలోని పాటలను వరుసగా రిలీజ్ చేస్తున్నారు. ఇప్పటికే రిలీజ్ అయిన నాటు నాటు పాట ఎంత హైలెట్ అయిందో చూశాం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక తాజాగా ఈ సినిమాలోని ‘జనని’ అనే సాంగ్ రిలీజ్ చేశారు. ఇక ఈసందర్భంగా ప్రెస్ మీట్ ను సైతం ఏర్పాటు చేశారు రాజమౌళి. ఈనేపథ్యంలో పలు ఆసక్తికరమైన విషయాలు తెలిపారు. ‘ఆర్ఆర్ఆర్’ ఈవెంట్ ప్లాన్స్ గురించి మాట్లాడారు. డిసెంబర్ ఫస్ట్ వీక్ లో ట్రైలర్ రిలీజ్ ఉంటుందని.. పలు ప్రీ రిలీజ్ ఈవెంట్స్ ప్లాన్స్ చేస్తున్నామని. చిత్రబృందంతో కలిపి ప్రత్యేకంగా మీడియాతో ప్రెస్ మీట్ ఉంటుందని తెలిపారు. మరి మొత్తానికి జక్కన్న భారీగానే ప్రమోషన్స్ ప్లాన్ చేసినట్టు తెలుస్తుంది.
కాగా రాజమౌళి దర్శకత్వంలో ఎన్టీఆర్, రామ్ చరణ్ ప్రధాన పాత్రల్లో స్వాతంత్య్ర సమరయోధులు కొమరం భీమ్‌, అల్లూరి సీతారామరాజు పాత్రల ఆధారంగా ఫిక్షన్ నేపథ్యంలో ఈసినిమా తెరకెక్కిస్తున్నాడు రాజమౌళి. రామ్ చరణ్ సరసన బాలీవుడ్ బ్యూటీ అలియా భట్ నటిస్తుండగా.. ఎన్టీఆర్ సరసన హాలీవుడ్ భామ ‘ఒలివియా మోరిస్’ నటిస్తుంది. ఇక ముఖ్యమైన పాత్రల్లో బాలీవుడ్ స్టార్ హీరో అజయ్ దేవగన్, సముద్రఖని, రే స్టీవెన్సన్, ఆలిసన్ డూడి కూడా నటిస్తున్నారు. డీవీవీ ఎంటెర్టైన్మెంట్స్ పతాకం పై దానయ్య ఈ సినిమాని నిర్మిస్తున్నారు. ఈ చిత్రానికి కీరవాణి సంగీతం అందిస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
