పవన్ కళ్యాణ్ అభిమానులు ఎంతో గానో ఎదురుచూస్తున్న సినిమా భీమ్లానాయక్.ఇక ఈసినిమా సంక్రాంతికి బరిలో దిగుతున్న సంగతి తెలిసిందే కదా. ఆ మేరకు చిత్రయూనిట్ కూడా తమ ప్రచార కార్యక్రమాలు తాము చేసుకుంటున్నారు. అయితే మరోపక్క ఈసినిమా సంక్రాంతి నుండి తప్పుకునే అవకాశం ఉందంటూ కూడా వార్తలు జోరుగా వస్తున్నాయి. ఇక ఈ వార్తలను కూడా మేకర్స్ ఎప్పటికప్పుడు తిప్పికొడుతూనే ఉన్నారు. ఏ అప్ డేట్ ఇచ్చినా రిలీజ్ డేట్ ను మాత్రం ఎప్పటికప్పుడూ పోస్టర్లలో వేస్తూనే ఉన్నారు. సంక్రాంతి రిలీజ్ ప‌క్కా అనే విష‌యాన్ని చిత్ర బృందం నొక్కి నొక్కి చెబుతూనే ఉన్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక తాజాగా మరోసారి ఈసినిమా నిర్మాత అయిన సూర్య దేవర నాగ వంశీ తన ట్విట్టర్ ద్వారా క్లారిటీ ఇచ్చారు. ప్రస్తుతం పోస్ట్ ప్రొడక్షన్ పనులు జరుగుతుండగా ఎడిటింగ్ రూమ్ లో ఉండి ఒక విజువ‌ల్ చూపిస్తూ ఈసారి కూడా మిస్ అవ్వదు.. జనవరి 12 నే ఈసినిమా రిలీజ్ ఉంటుందని తేల్చి చెప్పాడు. మరి ఇప్పటికైనా సినిమా రిలీజ్ పై వస్తున్న వార్తలకు బ్రేక్ పడుతుందేమో చూద్దాం.
REMEMBER THE WORD!
Eesari kooda miss avvadu…See you in theatres – 12 Jan 2022! 🔥#BheemlaNayak pic.twitter.com/Ny6e3bzvmG
— Naga Vamsi (@vamsi84) November 21, 2021
కాగా సాగర్ చంద్ర దర్శకత్వంలో పవన్ కళ్యాణ్ – రానా దగ్గుబాటి మల్టీస్టారర్ గా తెరకెక్కుతున్న సినిమా ఇది. ఈసినిమాలో పవన్ భార్య పాత్రలో నిత్యామీనన్ నటించగా, రానా జోడీగా సంయుక్త మీనన్ కనిపించనుంది. సితార ఎంటర్‌టైన్‌మెంట్స్ బ్యానర్‌పై వస్తున్న ఈసినిమాకు త్రివిక్రమ్ శ్రీనివాస్ స్క్రీన్‌ప్లే అందిస్తున్నారు. థమన్ సంగీతం అందిస్తున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
