‘చిరు’ కి విలన్ గా మాధవన్..!

మోహన్ రాజా దర్శకత్వంలో మెగాస్టార్ చిరు ప్రధాన పాత్రలో వస్తున్న సినిమా గాడ్ ఫాదర్. మలయాళంలో సూపర్ హిట్ అయిన లూసిఫర్ రీమేక్ గా ఈసినిమా వస్తున్న సంగతి తెలిసిందే. అయితే తెలుగు ప్రేక్షకుల అభిరుచికి తగ్గట్టు డైరెక్టర్ మోహన్ రాజా స్క్రిప్ట్ లో కొన్ని మార్పులు కూడా చేశారు. ప్రస్తుతం ఈసినిమా షూటింగ్ ను జరుపుకుంటుంది.

ఇక ఇదిలా ఉండగా ఈసినిమాలో చిరు పాత్ర కు సంబంధించి తప్ప మరేపాత్రలో క్లారిటీ లేదు. ముఖ్యంగా ఈసినిమాలో నటించే విలన్ పాత్రకు సంబంధించి అయితే పలు పేర్లు తెరపైకి వచ్చాయి. లూసిఫర్ లో విలన్ గా వివేక్ ఒబెరాయ్ నటించి మెప్పించాడు. ఇక ఈ పాత్రలో నటించనున్నట్టు రెహ్మన్ తో పాటు యంగ్ హీరో సత్యదేవ్ వరకూ చాలా మంది పేర్లు వినిపించాయి. సత్యదేవ్ అయితే దాదాపు ఖాయమైనట్టే అన్నారు. కానీ ఇప్పుడు మరో పేరు వినిపిస్తుంది. తమిళ స్టార్ హీరో మాధవన్ గాడ్ ఫాదర్ లో విలన్ గా నటించనున్నారని వార్తలు వస్తున్నాయి. అంతేకాదు మేకర్స్ మాధవన్ ను సంప్రదించగా అతను కూడా గ్రీన్ సిగ్నల్ ఇచ్చాడని అంటున్నారు. మరి ఈ వార్త అయితే ఇప్పుడు జోరుగా ప్రచారం అవుతుంది. ఇందులో ఎంత నిజముందో తెలియాలంటే అధికారిక ప్రకటన వచ్చేంత వరకూ ఆగాల్సిందే.

కాగా ఈసినిమాలో నయనతార కూడా నటించనున్నట్టు తెలుస్తుంది. రామ్ చరణ్ సమర్పణలో ఆర్. బి. చౌదరితో కలిసి ఎన్వీ ప్రసాద్ దీనిని నిర్మిస్తున్నారు. ఎస్. థమన్ సంగీతాన్ని అందిస్తున్నాడు.

ప్రస్తుతం మెగాస్టార్ చిరంజీవి… కొరటాల దర్శకత్వంలో ఆచార్య సినిమా చేస్తున్న సంగతి తెలిసిందే. ఈ సినిమా షూటింగ్ ను పూర్తిచేసుకొని రిలీజ్ కు సిద్దమవుతుంది. ఇంకా గాడ్ పాధర్ తో పాటు బాబి దర్శకత్వంలో, మెహర్ రమేష్ దర్శకత్వంలో కూడా సినిమాలు చేస్తున్నాడు.

Alluda Majaka Telugu Movie Back 2 Back Comedy Scenes | Chiranjeevi | Brahmanandam | Ramya Krishna

15:40

[subscribe]