తమిళ్ స్టార్ హీరో విజయ్ కు తెలుగులో ఎంత మంచి ఫ్యాన్ ఫాలోయింగ్ ఉందో ప్రత్యేకంగా చెప్పనక్కర్లేదు. అయితే విజయ్ మాత్రం ఇంతవరకూ స్ట్రయిట్ తెలుగు ఫిలిం చేయలేదు. ఈనేపథ్యంలో గత కొద్దిరోజులుగా వంశీ పైడిపల్లి దర్శకత్వంలో విజయ్ హీరోగా తెలుగులో సినిమా రాబోతుందని వార్తలు జోరుగా వినిపించిన సంగతి తెలిసిందే కదా. అయితే ఇందులో ఎంత నిజముందో అన్నది మాత్రం తెలియలేదు. ఆతరువాత దీనిపై ఎలాంటి అప్ డేట్ లేకపోవడంతో రూమర్స్ అనుకొని సైలెంట్ అయిపోయారు అందరూ.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
అయితే తాజాగా విజయ్తో తన సినిమా ఉండబోతోందన్న క్లారిటీవచ్చేసింది. క్లారిటీ ఇచ్చింది కూడాఎవరో కాదు వంశీపైడిపల్లి. ఇటీవల ఓ ఇంటర్వ్యూలో పాల్గొన్న వంశీ వీరిద్దరి కాంబినేషన్ లో సినిమా ఉండబోతుందని.. లాక్డౌన్ పూర్తైన తర్వాత అధికారికంగా ఈ ప్రాజెక్ట్ ప్రకటిస్తామని తెలిపారు.అంతేకాదు ఈ ప్రాజెక్ట్ను దిల్ రాజు నిర్మించబోతున్నట్టు వంశీ పైడిపల్లి తెలిపాడు.
మరి ఇళయదళపతి అందులోనూ వంశీ పైడిపల్లి డైరెక్టర్, దిల్ రాజు నిర్మాతగా కాబట్టి ఖచ్చితంగా భారీ బడ్జెట్ సినిమానే అయి ఉంటుంది. ప్రస్తుతం విజయ్ నెల్సన్ దర్శకత్వంలో ఓ సినిమా చేస్తున్నాడు. అది పూర్తయిన వెంటనే వంశీ చిత్రాన్ని పట్టాలెక్కించనున్నారట. మొత్తానికి ఇన్నేళ్లకు విజయ్ తెలుగులో స్ట్రయిట్ ఫిలింతో వస్తున్నాడు. మరి ఇప్పటివరకూ డబ్బింగ్ సినిమాలతోనే ఇక్కడ సక్సెస్ కొట్టిన విజయ్ కు తెలుగు సినిమా ఎలాంటి అనుభూతిని ఇస్తుందో చూడాలంటే మరికొద్ది రోజులు వెయిట్ చేయాల్సిందే.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: