రమేష్వర్మ దర్శకత్వంలో రవితేజ హీరోగా ఖిలాడి సినిమా రూపొందుతున్న సంగతి తెలిసిందే. ఇప్పటికే ఈ సినిమా మొదటి షెడ్యూల్ ను పూర్తి చేయగా.. ప్రస్తుతం శరవేగంగా షూటింగ్ ను జరుపుకుంటుంది. ఇక ఇప్పటికే ఈ సినిమా నుండి ఫస్ట్ లుక్, ఫస్ట్ గ్లింప్స్ ను కూడా రిలీజ్ చేయగా మరోసారి హుషారైన పాత్రలో రవితేజ నటిస్తున్నట్టు కనిపిస్తుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఈ సినిమాలో మరో సీనియర్ హీరో కూడా జాయిన్ అయ్యాడు. ఆయన ఎవరో కాదు యాక్షన్ కింగ్ అర్జున్. తెలుగులో ఎన్నో సినిమాల్లో నటించి మెప్పించిన అర్జున్ చాలా కాలం తెలుగులో కనిపించలేదు. ఈ మధ్యనే ఒకటి రెండు సినిమాల్లో కనిపించారు. నితిన్ ‘లై’ మూవీలో విలన్ పాత్రలో కనిపించాడు. ఆ తర్వాత ‘నా పేరు సూర్య నా ఇల్లు ఇండియా’ సినిమా చేసాడు. ఇందులో అల్లు అర్జున్ తండ్రి పాత్రలో నటించాడు.
ఇక మళ్ళీ ఖిలాడి సినిమాతో తెలుగు ప్రేక్షకుల ముందుకు రానున్నారు. ఈ విషయాన్ని చిత్ర యూనిట్ తో పాటు ఆయనే స్వయంగా సోషల్ మీడియా ద్వారా వెల్లడించారు. ‘2021లో కొత్త సినిమా.. ‘ఖిలాడి’ సెట్స్లో నేను’ అని క్యాప్షన్ పెట్టి ఆయన స్టైలిష్ లుక్ను పోస్ట్ చేశారు అర్జున్.
A new start in 2021
On the sets of #Khiladi pic.twitter.com/m2LfWESKJh
— Arjun (@akarjunofficial) January 28, 2021
కాగా యాక్షన్ ఎంటర్టైనర్గా తెరకెక్కనున్న ఈ సినిమాలో రవితేజ డ్యూయల్ రోల్ చేస్తున్నట్టు తెలుస్తుంది. ఇంకా ఈ చిత్రంలో మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. ఏ స్టూడియోస్, పెన్ స్టూడియోస్ పతాకాలపై జయంతీలాల్ గద సమర్పణలో కోనేరు సత్యనారాయణ నిర్మిస్తున్నారు. ఈ చిత్రానికి దేవిశ్రీ ప్రసాద్ సంగీతం అందిస్తుండగా.. ‘లూసిఫర్’ ఫేమ్ సుజిత్ వాసుదేవ్ సినిమాటోగ్రాఫీ అందిస్తున్నాడు. వేసవిలో చిత్రాన్ని విడుదల చేసేందుకు సన్నాహాలు చేస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: