పాన్ ఇండియా స్టార్ ప్రభాస్, కేజీఎఫ్ ఫేం ప్రశాంత్ నీల్ కాంబినేషన్ లో ‘సలార్’ సినిమా తెరకెక్కబోతున్న సంగతి తెలిసిందే కదా. ఈ సినిమాను ఇటీవలే గ్రాండ్ గా పూజా కార్యక్రమాలతో ప్రారంభించారు. ఇక ఈ సినిమా మొదటి షెడ్యూల్ ను ప్రారంభించేందుకు అన్ని ఏర్పాట్లను పూర్తిచేస్తున్నట్టు తెలుస్తుంది. సినిమాలోని భారీ యాక్షన్ సన్నివేశాలను తెలంగాణా లోని గోదావరి ఖని లో ఉన్న సింగరేణి గనుల్లో తెరకెక్కించనున్నట్టు.. ఇప్పటికే కోల్ మైన్ వద్ద ఏర్పాట్లు కూడా ప్రారంభించినట్టు వార్తలు కూడా వస్తున్నాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉండగా ఈ సినిమాలో హీరోయిన్ గా ఎవరు నటిస్తారు అన్న విషయంపై పలు పేర్లు తెరపైకి వచ్చిన సంగతి తెలిసిందే. ఇప్పుడు క్లారిటీ ఇచ్చేసారు చిత్రయూనిట్. ఈ సినిమాలో హీరోయిన్ గా శృతి హాసన్ ను ఎంపిక చేశారు. ఈ రోజు శృతి హాసన్ పుట్టిన రోజు సందర్భంగా హోంబలే ఫిలిమ్స్ సంస్థ తమ అధికారిక ట్విట్టర్ ద్వారా శృతికి బర్త్ డే విషెస్ చెపుతూ ఈ సినిమాలో శృతి హాసన్ నటిస్తున్నట్టు ప్రకటించారు.
Wish you a very happy birthday @shrutihaasan 🎉
We’re ecstatic to have you onboard for #Salaar. Can’t wait to see you sizzle on the screen. #Prabhas @prashanth_neel @VKiragandur @hombalefilms pic.twitter.com/Zkx5xL3YmP
— Hombale Films (@hombalefilms) January 28, 2021
మరి చాలా గ్యాప్ తర్వాత ఇటీవలే క్రాక్ తో రీఎంట్రీ ఇచ్చిన శృతి ఆ సినిమాతో మంచి హిట్ ను తన ఖాతాలో వేసుకుంది. ఇప్పుడు ఏకంగా ప్రభాస్ తో పెద్ద ప్రాజెక్ట్ లో ఛాన్స్ కొట్టేసింది. చూద్దాం మరి ఈసినిమాతో ఈ భామ రేంజ్ ఎంత పెరిగిపోతుందో.
కాగా ఈ సినిమాను హోంబలే ఫిలిమ్స్ పతాకంపై బ్లాక్‌ బస్టర్‌ మూవీ ‘కేజీఎఫ్’ నిర్మించిన విజయ్‌ కిరగందూర్‌ ఈ చిత్రాన్ని నిర్మించనున్నారు. ఇక ఈ సినిమాలో విలన్ పాత్రలో బాలీవుడ్ హీరో జాన్ అబ్రహాం నటిస్తున్నట్టు తెలుస్తుంది. తదితరుల వివరాలు త్వరలో తెలియచేయనున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
