కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

మహేష్ 'వదినపై' రేణు క్లారిటీ

మహేష్ 'వదినపై' రేణు క్లారిటీ

Renu Desai Trashes Rumours Of Playing Opposite Mahesh Babu In Sarkaru Vari Paata Movie

నటి, దర్శకురాలిగా, రచయితగా తన కంటూ ఓ ప్రత్యేక గుర్తింపు తెచ్చుకుంది రేణూదేశాయ్. ప్రస్తుతం మెగా ఫోన్ పట్టి ఒక సినిమాను తెరకెక్కించే పనిలో పడింది. రైతు సమస్యలపై ఓ సినిమాను రూపొందిస్తున్నారు రేణు దేశాయ్. అంతేకాదు చాలా ఏళ్ళ తర్వాత రేణు మళ్ళీ కెమెరా ముందుకు వస్తున్న సంగతి కూడా తెలిసిందే. ఇప్పటికే ఒక వెబ్ సిరీస్ లో నటిస్తున్నట్టు తెలిపింది రేణు. ఈ వెబ్‌ సిరీస్‌కు నిర్మాతలు డిఎస్‌. రావు, ఎస్‌. రజినీకాంత్‌. సాయి కృష్ణ ప్రొడక్షన్స్ బ్యానర్‌లో రూపుదిద్దుకోనున్న ఈ చిత్రానికి దర్శకుడు ఎమ్‌.ఆర్‌. కృష్ణ మామిడాల. సినిమాటోగ్రఫీ దాశరథి శివేంద్ర అందిస్తున్నాడు.

పరశురామ్‌ దర్శకత్వంలో సూపర్‌ స్టార్ మహేష్‌ బాబు హీరోగా 'సర్కారు వారి పాట' సినిమా చేస్తున్న సంగతి తెలిసిందే. మరికొద్దిరోజుల్లో ఈ సినిమా కూడా సెట్స్ పైకి వెళ్లనుంది. ఇక ఇదిలా ఉండగా సినిమాలో మహేష్‌ బాబుకి వదినగా రేణుదేశాయ్‌ నటించబోతోందంటూ.. కొన్ని రోజులుగా వార్తలు వస్తున్నసంగతి తెలిసిందే. అయితే ఇప్పుడు ఆ వార్తలపై క్లారిటీ ఇచ్చింది రేణు దేశాయ్. తాజాగా సోషల్ మీడియా ద్వారా అభిమానులతో ముచ్చటించగా..ఇదే విషయాన్ని ఓ నెటిజన్ అడుగగా.. ఆ వార్తల్లో నిజం లేదని.. తాను నటించట్లేదని ఈ రూమర్లు ఎక్కడి నుంచి పుట్టిస్తున్నారో తెలియడం లేదు.. అంతకు ముందు 'మేజర్‌'లో అని అన్నారు.. ఇప్పుడు 'సర్కారు వారి పాట' అంటున్నారు.. నిజంగా నటిస్తే మాత్రం తానే స్వయంగా ఇన్‌స్టాలో తెలియజేస్తానని తెలిపారు. మరి మొత్తానికి రేణు నటించట్లేదని తెలిసింది. ఇప్పటికైనా ఈ వార్తలకు బ్రేక్ పడుతుందేమో చూద్దాం.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్