రమేష్వర్మ దర్శకత్వంలో రవితేజ హీరోగా ఖిలాడి సినిమా రూపొందుతున్న సంగతి తెలిసిందే. ఇప్పటికే ఈ సినిమా మొదటి షెడ్యూల్ ను పూర్తి చేయగా.. ప్రస్తుతం శరవేగంగా షూటింగ్ ను జరుపుకుంటుంది. ఇక ఇప్పటికే ఈ సినిమా నుండి ఫస్ట్ లుక్ ను కూడా రిలీజ్ చేయగా మరోసారి హుషారైన పాత్రలో నటిస్తున్నట్టు తెలుస్తుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఇదిలా ఉండగా ఈ సినిమా కోసం ఒక భారీ సెట్ నే ఏర్పాటు చేస్తున్నట్టు తెలుస్తుంది. ఈ సినిమా కోసం భారీ జైలు సెట్ ను ఏర్పాటు చేస్తున్నారట. ఇక్కడే భారీ యాక్షన్ సీన్స్ చిత్రీకరించనున్నారట. కె.జి.ఎఫ్ 2 కోసం యాక్షన్ సీన్స్ కంపోజ్ చేసిన అన్బు ఆరివ్.. ఈ సినిమా కోసం యాక్షన్ సీన్స్ కంపోజ్ చేస్తున్నారు.
కాగా యాక్షన్ ఎంటర్టైనర్గా తెరకెక్కనున్న ఈ సినిమాలో రవితేజ డ్యూయల్ రోల్ చేస్తున్నట్టు తెలుస్తుంది. ఇంకా ఈ చిత్రంలో మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. ఏ స్టూడియోస్, పెన్ స్టూడియోస్ పతాకాలపై జయంతీలాల్ గద సమర్పణలో కోనేరు సత్యనారాయణ నిర్మిస్తున్నారు. ఈ చిత్రానికి దేవిశ్రీ ప్రసాద్ సంగీతం అందిస్తుండగా.. ‘లూసిఫర్’ ఫేమ్ సుజిత్ వాసుదేవ్ సినిమాటోగ్రాఫీ అందిస్తున్నాడు.
మరి ‘రాక్షసుడు’ వంటి బ్లాక్బస్టర్ మూవీతో తమది సూపర్ హిట్ కాంబినేషన్ అని సత్యనారాయణ కోనేరు, రమేష్ వర్మ నిరూపించారు. ఇప్పుడు ‘ఖిలాడి’ చిత్రాన్ని ఏ విషయంలోనూ రాజీ పడకుండా భారీ బడ్జెట్తో, ఉన్నత ప్రమాణాలతో తీస్తున్నారు. చూద్దాం మరి ఈసినిమా కూడా అనుకున్న అంచనాలను రీచ్ అవుతుందో..లేదో..!
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
