జూన్ నుంచి సెట్స్ పైకి `బంగార్రాజు`?

కింగ్ నాగార్జున కెరీర్ లో హ‌య్య‌స్ట్ గ్రాస‌ర్ గా నిల‌చిన చిత్రం `సోగ్గాడే చిన్ని నాయ‌నా`. 2016 సంక్రాంతికి విడుద‌లైన ఈ సినిమాకి త్వ‌ర‌లో సీక్వెల్ రాబోతోంది. `సోగ్గాడే…`ని తెర‌కెక్కించిన క‌ళ్యాణ్ కృష్ణ‌నే ఈ కొన‌సాగింపు చిత్రాన్ని కూడా రూపొందించ‌నున్నాడు. `సోగ్గాడే చిన్ని నాయ‌నా`లో నాగ్ కి జోడీగా క‌నిపించిన‌ ర‌మ్య‌కృష్ణ‌.. ఇందులోనూ న‌టిస్తోంద‌ని స‌మాచారం. అలాగే యువ సామ్రాట్ నాగ‌చైత‌న్య కూడా మ‌రో క‌థానాయ‌కుడిగా న‌టిస్తున్న‌ట్లు ప్ర‌చారం సాగుతోంది.

కాగా, ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటున్న ఈ చిత్రం జూన్ నుంచి సెట్స్ పైకి వెళుతుంద‌ట‌. ఆపై శ‌ర‌వేగంగా సినిమాని పూర్తి చేసి 2021 సంక్రాంతికి విడుద‌ల చేయాల‌ని ప్లాన్ చేస్తున్నార‌ట‌. మ‌రి.. `సోగ్గాడే చిన్ని నాయ‌నా`లాగే `బంగార్రాజు` కూడా పొంగ‌ల్ సీజ‌న్ అడ్వాంటేజ్ ని వినియోగించుకుంటుందేమో చూడాలి.

[subscribe]