నటసింహ నందమూరి బాలకృష్ణ కెరీర్ లో పలు మ్యూజికల్ హిట్స్ ఉన్నాయి. వాటిలో `బంగారు బుల్లోడు` (1993) ఒకటి. ఇందులోని అన్ని పాటలూ అప్పట్లో విశేషాదరణ పొందాయి. మరీ ముఖ్యంగా… `స్వాతిలో ముత్యమంత` పాట అయితే ఇప్పటికీ ఎవర్ గ్రీన్. కట్ చేస్తే.. ఇప్పుడీ చార్ట్ బస్టర్ సాంగ్ ని `యన్.బి.కె. 106`కోసం రీమిక్స్ చేయబోతున్నారని ప్రచారం సాగుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే… బాలకృష్ణ, దర్శకుడు బోయపాటి శ్రీను కాంబినేషన్ లో ఓ డివోషనల్ యాక్షన్ ఎంటర్ టైనర్ రాబోతున్న సంగతి తెలిసిందే. మార్చి 2 నుండి రెగ్యులర్ షూటింగ్ జరుపుకోనున్న ఈ క్రేజీ ప్రాజెక్ట్ లో శ్రియ, అంజలి నాయికలుగా నటించనున్నారు. కాగా, హైదరాబాద్ లో జరిగే తొలి షెడ్యూల్ లో బాలయ్య, అంజలిపై ఓ డ్యూయెట్ ని చిత్రీకరించనున్నారట. ఆ పాటే… `స్వాతిలో ముత్యమంత` రీమిక్స్ అని టాక్. థమన్ స్వరపరిచిన ఈ గీతం సినిమా హైలైట్స్ లో ఒకటిగా నిలుస్తుందని వినిపిస్తోంది. ఏదేమైనా, దీనికి సంబంధించి అధికారిక సమాచారం రావాల్సి ఉంది.
మరోవైపు, `అల్లరి` నరేష్ హీరోగా నటిస్తున్న `బంగారు బుల్లోడు`లోనూ `స్వాతిలో ముత్యమంత` పాటని రీమిక్స్ చేశారు. చాన్నాళ్ళ క్రితమే ఈ పాట తాలూకు ప్రోమోని రిలీజ్ చేశారు కూడా. అయితే, గతేడాది దీపావళికి రావాల్సిన ఈ సినిమాకి సంబంధించి ఈ మధ్య ఎలాంటి అప్ డేట్స్ లేకపోవడం గమనార్హం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: