రామోజీ ఫిల్మ్ సిటీలో ‘ఎంత మంచివాడ‌వురా’

నంద‌మూరి క‌ళ్యాణ్ రామ్, మెహ‌రీన్ జంట‌గా న‌టిస్తున్న చిత్రం `ఎంత మంచివాడ‌వురా`. సతీష్ వేగేశ్న ద‌ర్శ‌క‌త్వంలో ఈ ఫ్యామిలీ ఎంట‌ర్ టైన‌ర్ తెర‌కెక్కుతోంది. సుభాష్ గుప్త‌, శివ‌లెంక కృష్ణ‌ప్ర‌సాద్ సంయుక్తంగా నిర్మిస్తున్నారు. ఈ సినిమాకి సంబంధించిన చిత్రీక‌ర‌ణ తుది ద‌శ‌కు చేరుకుంది. ప్ర‌స్తుతం రామోజీ ఫిల్మ్ సిటీలో కీల‌క స‌న్నివేశాల‌ను చిత్రీక‌రిస్తున్నారు. అనాథాశ్ర‌మం నేప‌థ్యంలో సాగే ఈ దృశ్యాలు… సినిమాలో ముఖ్య స‌మ‌యంలో వ‌స్తాయ‌ని స‌మాచారం. గోపీ సుంద‌ర్ సంగీత‌మందిస్తున్న ఈ క్రేజీ ప్రాజెక్ట్ జ‌న‌వ‌రి 15న ప్రేక్ష‌కుల ముందుకు రానుంది.

మ‌రి… గ‌త చిత్రం `118`తో మంచి విజ‌యాన్ని అందుకున్న క‌ళ్యాణ్ రామ్‌… `ఎంత మంచివాడ‌వురా`తోనూ అదే బాట‌లో ముందుకు సాగుతాడేమో చూడాలి.