కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

కళ్యాణ్ రామ్ కొత్త సినిమా - 500 ఏళ్లకి ముందు-ఆ తరువాత..!

కళ్యాణ్ రామ్ కొత్త సినిమా - 500 ఏళ్లకి ముందు-ఆ తరువాత..!

Interesting Concept For Kalyan Ram New Movie

'118' లాంటి డిఫరెంట్ కథతో మంచి హిట్ కొట్టాడు నందమూరి కల్యాణ్‌రామ్‌. ప్రస్తుతం సతీశ్‌ వేగేశ్న దర్శకత్వంలో నటిస్తున్న కల్యాణ్‌రామ్‌ సినిమా ‘ఎంత మంచివాడవురా’. ఈ సినిమా షూటింగ్ చివరిదశకు వచ్చింది. కేరళలోని మున్నార్‌ తదితర సుందరమైన ప్రదేశాల్లో చివరి షెడ్యూల్ జరుపుకుంటుంది. శ్రీదేవి మూవీస్‌ శివలెంక కృష్ణప్రసాద్‌ సమర్పణలో ఉమేష్‌ గుప్తా, సుభాష్‌ గుప్తా ఈ సినిమాను నిర్మిస్తున్న ఈ సినిమాను జనవరి 15వ తేదీన రిలీజ్ చేయనున్నారు.

ఇదిలా ఉండగా ఇప్పుడు మరో విభిన్నమైన స్టోరీని లైన్లో పెట్టాడట కళ్యాణ్ రామ్. టైం మిషన్ కాన్సెప్ట్ తో బాలకృష్ణ ప్రధాన పాత్రలో వచ్చిన 'ఆదిత్య 369' అప్పట్లో ఎంత సంచలనం సృష్టించిందో తెలుసుకదా. ఈ మధ్య ఆ సినిమా సీక్వెల్ కూడా తెరకెక్కించాలని చూసారు. కానీ అది వర్కౌట్ కాలేదు. అయితే ఇప్పుడు అదే తరహా కాన్సెప్ట్ తో కళ్యాణ్ రామ్ ఒక సినిమాను తీయాలని చూస్తున్నాడట. ఈ సినిమాకి మల్లిడి వేణు దర్శకత్వం వహించనున్నట్టుగా సమాచారం. 500 ఏళ్లకి ముందు కథ .. ఆ తరువాత కథగా ఈ సినిమా సాగుతుందని అంటున్నారు. భారీ బడ్జెట్ తోనే ఈ సినిమాను పట్టాలెక్కించే ప్రయత్నాలు జరుగుతున్నాయని చెబుతున్నారు. మరి దీనిపై క్లారిటీ రావాలంటే మాత్రం కొద్దిరోజులు వెయిట్ చేయాల్సిందే.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్