గోవాలో ‘డిస్కో రాజా’ సంద‌డి

మాస్ మహారాజా రవితేజ, టాలెంటెడ్ డైరెక్టర్ వీఐ ఆనంద్ కాంబినేష‌న్‌లో తెరకెక్కుతున్న చిత్రం ‘డిస్కో రాజా’. సైన్స్ ఫిక్షన్ యాక్షన్ థ్రిల్లర్‌గా రూపొందుతున్న ఈ ఇంట్రెస్టింగ్ ప్రాజెక్ట్‌లో రవితేజ సరసన పాయల్ రాజ్‌పుత్, నభా నటేష్, తాన్యా హోప్ క‌థానాయికలుగా నటిస్తుండ‌గా… సునీల్, రామ్‌కీ, బాబీ సింహా ముఖ్య పాత్రలు పోషిస్తున్నారు.

ప్రస్తుతం ఈ చిత్రానికి సంబంధించిన కొత్త షెడ్యూల్‌ గోవా పరిసర ప్రాంతాల్లో జ‌రుగుతోంది. మరో వారం రోజుల పాటు సాగే ఈ షెడ్యూల్‌లో కొన్ని కీలక సన్నివేశాలను తెరకెక్కించనున్నారని సమాచారం. ఎస్.ఆర్.టి.ఎంటర్‌టైన్‌మెంట్స్ పతాకంపై రామ్ తాళ్ళూరి నిర్మిస్తున్న ఈ సినిమాకు… యువ సంగీత సంచ‌ల‌నం ఎస్.ఎస్.థమన్ బాణీలు అందిస్తున్నాడు. క్రిస్మస్‌ కానుకగా డిసెంబర్ 20న ‘డిస్కో రాజా’ని విడుదల చేయడానికి సన్నాహాలు జరుగుతున్నాయి.