తమిళనాట వైవిధ్యభరితమైన పాత్రలతో ముందుకు సాగుతోంది నటి ఐశ్వర్యా రాజేష్. కేవలం కథానాయిక పాత్రలకే పరిమితం కాకుండా… అభినయానికి అవకాశమున్న సహాయక పాత్రల్లోనూ నటిస్తూ అలరిస్తోంది ఈ తెలుగమ్మాయి. కాగా… ఈ ఆగస్టు 23 ఐశ్వర్యకి ఎంతో స్పెషల్ కానుంది. ఎందుకంటే… అదే రోజున ఈ టాలెంటెడ్ బ్యూటీ నటించిన రెండు ఆసక్తికరమైన చిత్రాలు విడుదల కానున్నాయి. వాటిలో ఒకటి తెలుగు చిత్రం కాగా… మరొకటి తమిళ చిత్రం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే… ఐశ్వర్య ప్రధాన పాత్రలో నటించిన తమిళ సినిమా `కనా`కి రీమేక్గా రూపొందిన తెలుగు చిత్రం ‘కౌసల్య కృష్ణమూర్తి’. భీమనేని శ్రీనివాసరావు దర్శకత్వం వహించిన ఈ ఎమోషనల్ స్పోర్ట్స్ డ్రామా ద్వారా ఐశ్వర్య తెలుగులో తొలి అడుగులు వేస్తోంది. ఈ నెల 23న ఈ సినిమా విడుదల కానుంది. కాగా… ఇదే రోజున ఐశ్వర్య నటించిన తమిళ చిత్రం ‘మెయ్’ కూడా విడుదల కానుంది. మెడికల్ థ్రిల్లర్గా ఈ సినిమా రూపొందింది. మరి… ఇలా ఒకే రోజున రెండు వేర్వేరు భాషల చిత్రాలతో పలకరించనున్న ఐశ్వర్యకి ఎలాంటి ఫలితాలు దక్కుతాయో చూడాలి..
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: