రష్మిక తమిళ మూవీ టైటిల్ సుల్తాన్

శాండల్ వుడ్, టాలీవుడ్ లలో స్టార్ హీరోయిన్ గా వెలుగొందుతున్న రష్మిక ప్రస్తుతం సూపర్ స్టార్ మహేష్ బాబు హీరోగా రూపొందుతున్న సరిలేరు నీకెవ్వరు, నితిన్ హీరోగా రూపొందుతున్న భీష్మ, ధృవ సర్జా హీరోగా రూపొందుతున్న కన్నడ మూవీ పొగరు మూవీస్ షూటింగ్స్ లో బిజీగా ఉన్నారు. స్టైలిష్ స్టార్ అల్లుఅర్జున్ AA 20 మూవీ లో హీరోయిన్ గా ఎంపికయ్యారు. సక్సెస్ ఫుల్ హీరోయిన్ గా పేరుపొందిన రష్మిక , కార్తీ హీరోగా రూపొందుతున్న మూవీ తో కోలీవుడ్ కు ఎంటరయ్యారు.

కార్తీ హీరోగా శకుని, కాష్మోరా, తీరన్ అధికారం ఒండ్రు వంటి సక్సెస్ ఫుల్ మూవీస్ నిర్మించిన డ్రీమ్ వారియర్ పిక్చర్స్ బ్యానర్ పై కార్తీ హీరోగా రూపొందిన ఖైదీ మూవీ పోస్ట్ ప్రొడక్షన్ వర్క్ జరుపుకొంటుంది. హిట్ మూవీ రెమో దర్శకుడు భాగ్యరాజ్ కన్నన్ దర్శకత్వంలో కార్తీ, రష్మిక జంటగా ఒక ఫ్యామిలీ ఎంటర్ టైనర్ మూవీ ని డ్రీమ్ వారియర్ పిక్చర్స్ నిర్మిస్తుంది. ఆ మూవీ టైటిల్ సుల్తాన్ గా చిత్ర యూనిట్ అనౌన్స్ చేసింది. కన్నడ, తెలుగు భాషలలో సక్సెస్ లు చవిచూసిన రష్మిక కోలీవుడ్ లో కూడా సక్సెస్ ఫుల్ హీరోయిన్ గా మారాలని కోరుకుందాం.