`గ్యాంగ్ లీడ‌ర్‌` షూటింగ్ పూర్తి

అత‌నో రివెంజ్ రైట‌ర్‌. పేరు… `పెన్సిల్‌` పార్థ‌సార‌థి. పెన్సిల్ అత‌ని క‌లం పేరు. ఓ రోజు అత‌ని ద‌గ్గ‌ర‌కి వేర్వేరు ఏజ్‌గ్రూప్‌ల‌కి చెందిన ఐదుగురు మ‌హిళల‌ గ్యాంగ్ వ‌స్తుంది. వారికో ఓ రివెంజ్ స్టోరీ ఉంటుంది. మ‌రి… ఆ రివెంజ‌ర్స్‌కు పెన్సిల్ ఎలా స‌హాయ‌ప‌డ్డాడు? ఈ నేప‌థ్యంలో ఆ ఆరుగురికి ఎదురైన ప‌రిణామాలేంటి? అనే క‌థాంశంతో తెర‌కెక్కిన చిత్రం `గ్యాంగ్ లీడ‌ర్‌`. నేచుర‌ల్ స్టార్ నాని క‌థానాయ‌కుడిగా న‌టించిన 24వ సినిమా ఇది. `24` ఫేమ్ విక్ర‌మ్ కె.కుమార్ ద‌ర్శ‌క‌త్వంలో హ్యాట్రిక్ విజ‌యాల నిర్మాణ సంస్థ మైత్రీ మూవీ మేక‌ర్స్ నిర్మించిన ఈ సినిమా తాజాగా చిత్రీక‌ర‌ణ‌ను పూర్తిచేసుకుందని స‌మాచారం. ప్ర‌స్తుతం ఈ చిత్రానికి సంబంధించిన నిర్మాణానంత‌ర కార్య‌క్ర‌మాలు శ‌ర‌వేగంగా జ‌రుగుతున్నాయి.

కాగా… అనిరుధ్ బాణీలు అందిస్తున్న ఈ ఇంట్రెస్టింగ్ ప్రాజెక్ట్… త్వ‌ర‌లోనే ప్రేక్ష‌కుల ముందుకు రానుంది.