ఆర్టికల్ 15 రీమేక్ లో?

బాలీవుడ్‌ డైరెక్టర్‌ అనుభవ్ సిన్హా దర్శకత్వంలో ‘ఆర్టికల్ 15’ ఇటీవల రిలీజై విమర్శకుల ప్రశంసలు సైతం దక్కించుకుంది. విమర్శలే కాదు ఈ సినిమాపై వివాదాలు కూడా వచ్చాయి. మరి తెలుగు సినిమాలు హిందీలో, హిందీ సినిమాలను తెలుగులో రీమేక్ అవ్వడం ఇప్పుడు కామన్ అయిపోయింది. అలాగే ఇప్పుడు ఈ మూవీ ని కూడా తమిళ, తెలుగు భాషల్లో రీమేక్ చేయడానికి సన్నాహాలు జరుగుతున్నాయి.

ఈ రీమేక్ చిత్రంలో తమిళ నటుడు ధనుశ్ హీరోగా నటిస్తాడని సమాచారం. ఈ చిత్రాన్ని తెలుగు, తమిళ్ లో తెరకెక్కించేందుకు ధనుష్ ప్రయత్నిస్తున్నారని తెలుస్తోంది. ఆ సినిమా రీమేక్ రైట్స్ దక్కించుకుని సౌత్ కి తగ్గట్టు స్క్రిప్టును తీర్చిదిద్దుతున్నారట. ఎవరైనా తెలుగు నిర్మాత టై-అప్ తో ఈ సినిమాని ధనుష్ నిర్మించే వీలుందని తెలుస్తోంది. మరి దీనిపై క్లారిటీ రావాలంటే అధికారిక ప్రకటన రావాలంటే వచ్చేంత వరకూ ఆగాల్సిందే.