మెగాస్టార్‌కి మ‌రోసారి సెంటిమెంట్ క‌లిసొస్తుందా?

మెగాస్టార్ చిరంజీవి క‌థానాయ‌కుడిగా న‌టించిన‌ సినిమా ‘సైరా నరసింహారెడ్డి’. తొలి తెలుగు స్వాతంత్ర్య స‌మ‌ర యోధుడు ఉయ్యాల‌వాడ న‌ర‌సింహారెడ్డి జీవితం ఆధారంగా తెరకెక్కిన ఈ హిస్టారిక‌ల్ డ్రామాకు… సురేందర్ రెడ్డి దర్శకత్వం వహించాడు. కొణిదెల ప్రొడక్షన్స్ పతాకంపై మెగాపవర్ స్టార్ రామ్ చరణ్ నిర్మించిన‌ ఈ చిత్రం… ప్రస్తుతం పోస్ట్ ప్రొడక్షన్ పనులను జరుపుకుంటోంది. కాగా… ‘సైరా’ను అక్టోబర్ 2న ప్రేక్షకుల ముందుకు తీసుకురావడానికి సన్నాహాలు చేస్తున్నారని సమాచారం.

ఆసక్తికరమైన అంశమేమిటంటే… గతంలో ఇదే తేదీన అంటే… అక్టోబర్ 2, 1986న చిరు హీరోగా నటించిన ‘రాక్షసుడు’ విడుదలైంది. ఎ.కోదండరామిరెడ్డి దర్శకత్వం వహించిన ఆ సినిమా చిరుకి మరపురాని విజయాన్ని అందించింది. ఈ నేపథ్యంలో… ఇప్పుడు అదే అక్టోబర్ 2న విడుదల కానున్న ‘సైరా’ కూడా చిరంజీవికి మరో మెమొరబుల్ ఫిలిమ్‌ అవుతుందేమో చూడాలి.