బాలీవుడ్ టాప్ 10లో తెలుగు ద‌ర్శ‌కుల హ‌వా

హిందీనాట ప‌లువురు తెలుగు ద‌ర్శ‌కులు త‌మ‌దైన ముద్ర వేశారు. అయితే, అక్క‌డి టాప్ 10 హ‌య్య‌స్ట్ గ్రాస‌ర్స్‌లో మ‌న టాలీవుడ్‌కి చెందిన ద‌ర్శ‌కులు చోటు ద‌క్కించుకోవ‌డం అరుద‌నే చెప్పాలి. ఇప్పుడలాంటి రేర్ రికార్డును ఇద్ద‌రు ద‌ర్శ‌కులు సొంతం చేసుకున్నారు. వాళ్ళే… రాజ‌మౌళి, సందీప్ రెడ్డి వంగా. ప్ర‌స్తుతం బాలీవుడ్ టాప్ 10 హ‌య్య‌స్ట్ గ్రాస‌ర్స్‌లో తొలి, ప‌ది స్థానాల్లో ఈ ద‌ర్శ‌కులు రూపొందించిన చిత్రాలు ఉండ‌డం వార్త‌ల్లో నిలుస్తోంది. రాజ‌మౌళి రూపొందించిన ఎపిక్ ఎంట‌ర్‌టైన‌ర్ `బాహుబ‌లి – ది కంక్లూజ‌న్‌` హిందీ అనువాదం అత్య‌ధిక వ‌సూళ్ళ‌తో మొద‌టి స్థానంలో నిలిస్తే… ప‌దో స్థానంలో సందీప్ రెడ్డి వంగా తెర‌కెక్కించిన `క‌బీర్ సింగ్‌` (`అర్జున్ రెడ్డి` రీమేక్) నిల‌చింది. ఆ మ‌ధ్య‌లో అంటే… టాప్ 2 టు టాప్ 9 స్థానాల్లో `దంగ‌ల్‌, సంజు, పీకే, టైగ‌ర్ జిందా హై, బ‌జ‌రంగి భాయ్ జాన్‌, ప‌ద్మావ‌త్‌, సుల్తాన్‌, ధూమ్ 3` ఉన్నాయి. మొత్తానికి డ‌బ్బింగ్ సినిమాతో రాజ‌మౌళి, రీమేక్ సినిమాతో సందీప్‌… బాలీవుడ్‌లో సత్తా చాట‌డం విశేషం. మున్ముందు… ఇదే శైలిని కొన‌సాగించే తెలుగు ద‌ర్శ‌కులు ఎవ‌ర‌వుతారో చూద్దాం.

[subscribe]

[youtube_video videoid=lHRWojyTBJM]