10 ఏళ్ళ త‌రువాత `రెచ్చిపో`జోడీ?

యువ కథానాయకుడు నితిన్, టాలెంటెడ్ డైరెక్ట‌ర్ చంద్రశేఖర్ యేలేటి కాంబినేష‌న్‌లో ఓ సినిమా రాబోతున్న సంగతి తెలిసిందే. ఓ డిఫరెంట్ కాన్సెప్ట్‌తో తెరకెక్కనున్న ఈ చిత్రం… ఇటీవ‌లే పూజా కార్య‌క్ర‌మాల‌ను జ‌రుపుకుంది. త్వ‌ర‌లోనే రెగ్యుల‌ర్ షూటింగ్ ప్రారంభం కానుంది. కాగా, ఈ ఇంట్రెస్టింగ్ ప్రాజెక్ట్‌లో ముగ్గురు కథానాయికలకు స్థాన‌మున్నట్టు తెలుస్తోంది. ఇప్పటికే ఇద్దరు నాయికలుగా రకుల్ ప్రీత్ సింగ్, ప్రియాప్రకాష్ వారియర్‌ను ఎంపిక చేసిన చిత్ర బృందం… కీలకమైన మరో హీరోయిన్ పాత్ర కోసం క‌థానాయిక అన్వేష‌ణ‌లో ఉంద‌ని సమాచారం. తాజా స‌మాచారం ప్ర‌కారం… ఇప్పుడు ఆ పాత్ర కోసం టాలెంటెడ్ బ్యూటీ ఇలియానాను ఎంపిక చేశార‌ని తెలిసింది.

ఆస‌క్తిక‌ర‌మైన విష‌యమేమిటంటే… 10 ఏళ్ళ క్రితం నితిన్, ఇలియానా క‌ల‌యిక‌లో ‘రెచ్చిపో’ (2009) అనే చిత్రం వచ్చింది. మళ్ళీ ఇంతకాలానికి ఈ కాంబినేషన్ వెండితెరపై సందడి చేయనుండడం విశేష‌మనే చెప్పాలి. ఇటీవల ‘అమర్ అక్బర్ ఆంటోనీ’తో తెలుగులో రీ-ఎంట్రీ ఇచ్చిన ఇలియానాకి ఆ సినిమా ఆశించిన‌ విజయం అందించ‌లేదు. మరి నితిన్ మూవీతోనైనా ఈ అందాల తార‌కు పూర్వ‌వైభవం ద‌క్కుతుందేమో చూడాలి. కాగా… త్వ‌ర‌లోనే ఇలియానా ఎంట్రీపై క్లారిటీ వ‌చ్చే అవ‌కాశం ఉంది.