గ్యాంగ్ లీడ‌ర్‌` న‌యా షెడ్యూల్ అప్‌డేట్‌

నేచుర‌ల్ స్టార్ నాని క‌థానాయ‌కుడిగా న‌టిస్తున్న 24వ చిత్రం `గ్యాంగ్ లీడ‌ర్‌`. `24` ఫేమ్ విక్ర‌మ్ కె.కుమార్ ద‌ర్శ‌క‌త్వం వ‌హిస్తున్న ఈ సినిమాని హ్యాట్రిక్ విజ‌యాల నిర్మాణ సంస్థ మైత్రీ మూవీ మేక‌ర్స్ నిర్మిస్తోంది. ప్రియాంక అరుళ్ మోహ‌న్ నాయిక‌గా ప‌రిచ‌య‌మ‌వుతున్న‌ ఈ ఇంట్రెస్టింగ్ ప్రాజెక్ట్‌లో `ఆర్ ఎక్స్ 100` ఫేమ్ కార్తికేయ ప్ర‌తినాయ‌కుడిగా న‌టిస్తున్నాడు. ఇదిలా ఉంటే… ఇప్ప‌టికే రెండు షెడ్యూల్స్ పూర్తిచేసుకున్న `గ్యాంగ్ లీడ‌ర్‌`కి సంబంధించి తాజా షెడ్యూల్ ఈ నెల 6 నుంచి హైద‌రాబాద్‌లో ప్రారంభం కానుంద‌ని స‌మాచారం. ఈ నెల 20 వ‌ర‌కు సాగే ఈ షెడ్యూల్‌లో కొంత టాకీతో పాటు ఓ పోరాట ఘ‌ట్టాన్ని కూడా చిత్రీక‌రిస్తార‌ని తెలిసింది. ఆపై చ‌క‌చ‌కా చిత్రీక‌ర‌ణ జ‌రిపి… ఆగ‌స్టు 30న ఈ సినిమాని ప్రేక్ష‌కుల ముందుకు తీసుకురావడానికి సన్నాహాలు జ‌రుగుతున్నాయి. `జెర్సీ` త‌రువాత నాని నుంచి వ‌స్తున్న సినిమా కావ‌డంతో `గ్యాంగ్ లీడ‌ర్‌`పై మంచి అంచ‌నాలే ఉన్నాయి.

[subscribe]

[youtube_video videoid=37Mp67XQ4Q0]