యంగ్ టైగ‌ర్ య‌న్టీఆర్, మెగాప‌వ‌ర్ స్టార్ రామ్ చరణ్ కాంబినేష‌న్‌లో వ‌స్తున్న భారీ మ‌ల్టీస్టార‌ర్ మూవీ `ఆర్ ఆర్ ఆర్`. ద‌ర్శ‌క‌ధీరుడు ఎస్‌.ఎస్‌.రాజ‌మౌళి తెర‌కెక్కిస్తున్న ఈ పీరియాడిక్ డ్రామా… మెరుపువేగంతో చిత్రీక‌ర‌ణ జ‌రుపుకుంటోంది. ఇదిలా ఉంటే… ఇటీవల ఫ్యామిలీతో హాలిడే ట్రిప్‌కి వెళ్ళొచ్చిన చరణ్… స్వల్ప విరామం తరువాత మళ్ళీ `ఆర్ ఆర్ ఆర్` సెట్‌లోకి అడుగుపెట్ట‌నున్నట్టు తెలుస్తోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ నెల 24 నుంచి ప్రారంభం కానున్న `ఆర్ ఆర్ ఆర్` నెక్స్ట్ షెడ్యూల్‌లో చరణ్ పాల్గొనబోతున్నట్టు సమాచారం. ఈ షెడ్యూల్‌లో భాగంగా… కొన్ని కీలక సన్నివేశాలను తెరకెక్కించే పనిలో ఉందట చిత్ర బృందం. ఇప్పటికే… ఇంటర్వెల్ బ్యాంగ్‌లో వచ్చే భారీ యాక్షన్ సీక్వెన్స్‌ను తారక్‌పై చిత్రీకరించిన సంగతి తెలిసిందే. సినిమాకి హైలైట్‌గా నిలవనున్న ఈ యాక్షన్ ఎపిసోడ్‌లో దాదాపు 1500 మంది దేశీ, విదేశీ జూనియ‌ర్ ఆర్టిస్టులు పాల్గొన్నట్టు సమాచారం.
చరణ్‌కు జంటగా బాలీవుడ్ బ్యూటీ అలియా భ‌ట్ నటిస్తున్న ఈ చిత్రంలో… బాలీవుడ్ నటుడు అజ‌య్ దేవ‌గ‌ణ్ కీలక పాత్రలో దర్శనమివ్వనున్నాడు. దాదాపు రూ.350 కోట్ల బడ్జెట్‌తో డి.వి.వి.దానయ్య నిర్మిస్తున్న ఈ మెగా ప్రాజెక్ట్‌కు స్వ‌ర‌వాణి కీరవాణి బాణీలు అందిస్తున్నాడు. కొమరం భీమ్‌గా తారక్, అల్లూరి సీతారామరాజుగా చరణ్ నటిస్తున్న ఈ చిత్రం… వచ్చే సంవత్సరం జూలై 30న ప్రపంచవ్యాప్తంగా విడుదల కానుంది.
[youtube_video videoid=I7j2sn7qHuM]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
