బ్యాక్ టు బ్యాక్ హ‌య్య‌స్ట్ గ్రాస‌ర్స్ అందుకున్న `దిల్‌` రాజు

విజ‌య‌వంత‌మైన చిత్రాల‌కు చిరునామాగా నిలుస్తున్న నిర్మాత `దిల్‌` రాజు. 16 ఏళ్ళ నిర్మాణ‌ప్ర‌స్థానంలో 32కి పైగా చిత్రాల‌ను నిర్మించాడు రాజు. అంటే… ఏడాదికి స‌గ‌టున రెండు చిత్రాల‌ను అందించిన వైనం రాజు సొంతం అన్న‌మాట‌. ఇదిలా ఉంటే… ఈ ఏడాదిలో ఇప్ప‌టికే రెండు సినిమాలను (ఎఫ్ 2, మ‌హ‌ర్షి) అందించిన రాజుకి… ఆ యా చిత్రాలు కెరీర్‌లో ప్ర‌త్యేకంగా నిల‌వ‌డ‌మే కాకుండా బ్యాక్ టు బ్యాక్ హ‌య్య‌స్ట్ గ్రాస‌ర్స్ మూవీస్ అయ్యాయి.

ఆ వివ‌రాల్లోకి వెళితే… సంక్రాంతికి విడుద‌లైన `ఎఫ్ 2` విష‌యం తీసుకుంటే అప్ప‌టివ‌ర‌కు రాజు నిర్మించిన చిత్రాల కంటే మిన్న‌గా ఈ సినిమా వ‌సూళ్ళు చూసింది. అంతేకాదు, అప్ప‌టికి హ‌య్య‌స్ట్ గ్రాస‌ర్ అనిపించుకుంది. కట్ చేస్తే… నాలుగు నెల‌లు తిరిగేస‌రికి స‌మ్మ‌ర్ సీజ‌న్‌లో వ‌చ్చిన `మ‌హ‌ర్షి`… `ఎఫ్ 2` కంటే మిన్న‌గా వ‌సూళ్ళు చూసి రాజు కెరీర్‌లోనే హ‌య్య‌స్ట్ గ్రాస‌ర్‌గా నిల‌చింది. సో… ఇలా బ్యాక్ టు బ్యాక్ హ‌య్య‌స్ట్ గ్రాస‌ర్స్ అందించి 2019 సంవ‌త్స‌రం `దిల్` రాజుకి స్పెష‌ల్ ఇయ‌ర్‌గా నిల‌చింద‌న్న‌మాట‌. మున్ముందు ఇంత‌కుమించిన విజ‌యాలను రాజు అందుకోవాల‌ని ఆకాంక్షిద్దాం.