బాలీవుడ్ హిట్ థ్రిల్లర్ రీమేక్ లో సునీల్

ఆయుష్మాన్ ఖురానా ప్రధాన పాత్రలో బాలీవుడ్ లో తెరకెక్కిన సస్పెన్స్ థ్రిల్లర్ ‘అంధాదున్’ భారీ విజయాన్ని సొంతం చేసుకున్న సంగతి తెలిసిందే. థ్రిల్లర్ జోనర్లో తెరకెక్కిన ఈ సినిమాలో అంధుడిగా చేసిన ఆయుష్మాన్ తన నటనతో విమర్శకుల ప్రశంసలు సైతం దక్కించుకున్నాడు. ఇక ఒక భాషలో హిట్ అయిన సినిమాను వేరే భాషలో రీమేక్ చేయడం ఇప్పుడు సంప్రదాయంగా మారింది కాబట్టి ఈ సినిమాను కూడా తెలుగులో రీమేక్ చేస్తున్నారు.

ఇక ఈ సినిమాలో అంధుడిగా నటించే ధైర్యం ఎవరు చేస్తున్నారబ్బా అనుకుంటున్నారా..? ఆ అవకాశం సునీల్ కు దక్కినట్టు తెలుస్తోంది. అయితే ప్రస్తుతం చర్చల దశలోనే ఉన్న ఈ ప్రాజెక్ట్‌పై త్వరలో క్లారిటీ వచ్చే అవకాశం ఉంది. తన కెరియర్లో ఇదొక చెప్పుకోదగిన సినిమా అవుతుందనే ఉద్దేశంతో సునీల్ కూడా ఇంట్రెస్టింగ్ గా ఉన్నాడట. మరి ఇప్పుడిప్పుడే కమెడియన్ గా మళ్లీ బిజీ అవుతోన్న సునీల్ ఈ సినిమాతో మరోసారి హీరోగా మారుతున్నాడన్నమాట. సునీల్ ఆ పాత్రకు ఎంత వరకు సూట్ అవుతాడో.. ఇక్కడ ఈ సినిమా ఎంత వరకూ సక్సెస్ అవుతుందో.. చూద్దాం.

ఇదిలా ఉండగా తమిళ్ లో కూడా ఈ సినిమాను రీమేక్ చేయడానికి ఇంట్రెస్ట్ చూపుతున్నారు. తమిళ రీమేక్‌లో నటించేందుకు ధనుష్‌, సిద్ధార్థ్‌ లాంటి హీరోలు ప్రయత్నిస్తున్నట్టుగా వార్తలు వినిపిస్తున్నాయి.