పవన్ తో సినిమాపై బండ్ల గణేష్ క్లారిటీ

పూర్తిగా రాజకీయాలకే తన జీవతం అంకితం చేశానని.. కడ శ్వాస దాకా రాజకీయాల్లోనే ఉంటానని.. సినిమాలు చేయనని జనసేన అధినేత పవన్ కళ్యాణ్ ఎన్నోసార్లు చెప్పినా కూడా మళ్లీ ఆయన సినిమాల్లో రీఎంట్రీపై వార్తలు వస్తూనే ఉన్నాయి. ఈ నేపథ్యంలోనే గత రెండు మూడు రోజులుగా ఓ వార్త ఫిలిం ఇండస్ట్రీలో చక్కర్లు కొడుతుంది. బండ్ల గణేష్ నిర్మాతగా.. బోయపాటి దర్శకత్వంలో పవన్ హీరోగా ఓ సినిమా తెరకెక్కబోతున్నట్టు రూమర్లు హల్ చల్ చేశాయి. అంతేకాదు రెమ్యూనరేషన్ కు సంబంధించిన వివరాలు కూడా పెట్టేశారు.

అయితే ఇప్పుడు ఈ రూమర్లపై క్లారిటీ వచ్చేసింది. దీనిపై బండ్ల గణేశ్ తన ట్విట్టర్ ద్వారా స్పందించి క్లారిటీ ఇచ్చారు. పవన్ తో తాను సినిమా చేస్తున్నట్టు వచ్చిన వార్తలు నిజం కాదని.. తన బ్యానర్ లో ఏ సినిమా కూడా ఇంతవరకూ ఫైనలైజ్ కాలేదన్నారు. ఏదైనా సినిమా ఉంటే మొట్టమొదట అనౌన్స్ చేసేది తానేనని అన్నారు. మరి ఇంత క్లియర్ గా క్లారిటీ ఇచ్చిన తరువాత ఈ రూమర్లకు బ్రేక్ పడుతుందేమో చూద్దాం…